Вагиз Галиулин: "Уфа"да барчаси мени қониқтиряпти"
20 jul 2014 11:45
News

Вагиз Галиулин: "Уфа"да барчаси мени қониқтиряпти"

Ўзбекистон миллий терма жамоасининг собиқ ярим ҳимоячиси Вагиз Галиулин Россия премьер-лигасининг янги вакили “Уфа” клуби билан шартнома имзолади.

Бошқирдистон жамоаси билан келишув 2 йилга мўлжалланган. 26 яшар ҳамюртимиз янги клуби таркибида 22-рақам остида ҳаракат қилади.

"Яна премьер-лигага қайтганимдан хурсандман. Энди ўзимни кўрсатиб, шу орқали миллий терма жамоага қайтишга ҳаракат қиламан. "Уфа" машғулотларида июнь ойидан бери иштирок этиб келаётгандим. Бу ерда футболни жуда севишади. Хуллас, барчаси мени қониқтиряпти", - дейди бизга берган интервьюсида Галиулин.

Эслатиб ўтамиз, Галиулин фаолияти давомида “Андижон”, “Бухоро”, “Трактор” клублари шарафини ҳимоя қилди. 2006 йили Қозоннинг “Рубин” клубига кўчиб ўтди. 2010-2013 йиллар оралиғида “Сибирь”, “Нефтехимик” клубларида ижара асосида тўп тепди. Вагиз Ўзбекистон миллий терма жамоаси таркибида 10 та учрашувда майдонга тушган.

Link :

Source : olamsport.com

Receive latest football news directly on your phone. Subscribe for our Telegram channel!

Rating: