Вадим Абрамов: "Самарқандда яхши савиядаги жамоа ва мураббий ишламоқда"
16 apr 2015 20:12
News

Вадим Абрамов: "Самарқандда яхши савиядаги жамоа ва мураббий ишламоқда"

«Динамо» - «Локомотив» (0:1) ўйинидан кейин дастлаб «Локомотив» бош мураббийи Вадим Абрамов матбуот анжуманида иштирок этиб, саволларга жавоб берди.

-Ўйин ҳақидаги фикрларингиз билан ўртоқлашсангиз?
- Анча шиддатли ўйин бўлди. Ҳар икки томон ҳам ғалаба қозониш имкониятига эга бўлди. «Динамо» ҳам имкониятларидан фойдаланганда ғалабани илиб кетиши ҳеч гап эмасди. Умуман олганда эса чиройли, томошабоп ўйин бўлди. Мен аввало Самарқандда мана шундай ажойиб ўйингоҳда ажойиб ҳолатдаги майдонни шай қилиб қўйишгани учун раҳмат дейман. Бундай майдонлар кўпайишини истардим. Футболчилар мазза қилиб ўйнашди. Майдон яхши бўлса, футболчилар ҳам чиройли ўйин кўрсатиб мухлисларни хурсанд этишади. Энг асосийси эса бугун қийин ўйинда уч очкони қўлга киритдик.

- Мутахассис сифатида «Динамо» жамоасининг ўйини ҳақида қандай фикрлар билдира оласиз?
- Самарқандда яхши савиядаги жамоа ва мураббий ишламоқда. Жамоа ўйини ҳам эътирофга арзигулик. Аммо мавсумнинг бошланиши боис жамоа натижа кўрсата олмаётган бўлиши мумкин. Омадга ҳам кўп нарса боғлиқ.

Link :

Source : fcdinamo.uz

Receive latest football news directly on your phone. Subscribe for our Telegram channel!

Rating: