Вадим Абрамов: "Ростов" "Женоа"дан кучсиз эмас"

"Терма жамоа мураббийи сифатида, мен учун асосийси Шомуродовнинг "Женоа"да ўйин амалиётига эга бўлиши. РПЛ ва Италияга ўхшаган топ чемпионатлар ўртасида катта фарқ бор деб ўйламайман. "Ростов" "Женоа"дан кучсиз эмас. "Интер" ва "Ювентус" каби топ-жамоаларга қарши ўйинлар эса мавсумда унчалик кўп эмас. Агар "Ростов" Европа Лигаси гуруҳ босқичига чиқса, шундай жамоаларга қарши ўйнаши мумкин эди.

Мослашиш жараёни ҳаммада ҳар хил ўтади ва буюк футболчилар доим ҳам бирдан ўйнаб кетишмайди. Ҳар қандай ўйинчига янги лигада мослашиш учун вақт керак. Аммо Элдор "Женоа"да ўйнаши керак деб ҳисоблайман. Унинг камтар йигит эканлиги ҳақиқат, бу унга ҳалал бериши мумкин. Аммо итальянлар - хушмуомала одамлар, уларнинг тили эса унчалик қийин эмас. Трансферга келсак мен бу борада у билан гаплашмадим. У терма жамоага келиши керак. Унинг чиптаси 5-сана учун. У кела оладими ёки йўқ, буни билмайман.

Ўзбекистонда ҳам сифатли ўйинчилар борлигини вақт кўрсатади. Биз Россия билан терма жамоа даражасида учрашишимиз керак, шунда ҳамма бу ерда футбол билан ҳаммаси жойида эканлигига амин бўларди. Маҳсулот юзи кўрсатилади дейдилар. "Пахтакор" "Спартак" (0:4) билан муваффақиятсиз ўйнади, аммо бу тасодиф. Агар улар яна бир бор учрашишса, умуман бошқача ўйин бўлади", - дейди Абрамов.