Вадим Абрамов: "Насаф" бугун биздан кўра кучлироқ ўйнади ва ҳақли ғалабага эришди"

"Аввало "Насаф"ни ғалаба билан табриклайман. Бугун иккита тенг кучли жамоалар майдонда курашишди. Кераксиз жойда гол ўтказиб юбордик ва бу бизга қимматга тушди. Бугунги ўйинда мағлубиятга учраганимизнинг асосий сабаби бу - "Насаф" биздан кучли ўйнади ва "Локомотив"га ҳеч қандай имконият қолдирмади. Улар ҳақли ғалабани тантана қилишди. Биз ўз мақсадимиз сари дадил қадам ташлаша давом этишимиз керак. Бу йилги чемпионатда олдимизга чемпион бўлиш вазифаси қўйилган", - дея гап бошлади Вадим Абрамов.

- Вазиятлардан фойдаланишда яхшигина муаммолар туғилмоқда. Бу борада нима дея оласиз?
- Футболчилар жуда шошиб ҳаракат қилишмоқда. Вазиятлардан фойдаланиш муаммосини бартараф этиш керак.  Гол ўтказиб юборганимиздан сўнг жамоа жуда шошиб қолмоқда. Бу борада иш олиб боришда давом этамиз.

- Дамир Кояшевич майдонга тушса асосан голлар уради ва жамоа фойдаси учун жуда кўп ҳаракат қилади. Лекин негадир у захирада қолиб кетмоқда?
- Мана бугун ҳам у ўйинга 30 дақиқа қолганида майдонга тушди ва жамоа тўп йўқотган пайтларда орқага қайтмайди. Унинг асосий камчилиги шунда.