Вадим Абрамов: "Локомотив"да жуда ҳам кучли футболчи ким?"

"Албатта ғалабадан хурсандман. Учрашувни хотиржамроқ тугатишимиз мумкин эди. Ўзимизга ўзимиз қийинчилик туғдирдик. Йигитларга раҳмат айтаман. "Андижон" олий лигада қолиш учун курашмоқда, шу боис уларга очко сув ва ҳаводек зарур эди. Биринчи бўлимда у қадар кўп вазият бўлмади. Иккинчи бўлимда эса ҳужумкорликни оширдик. Ҳисоб йирик кўриниш ҳам олиши мумкин эди. "Андижон" ўз уйида доим кучли ўйнайди, ўз мухлислари уларни олға бошлашади. Абдухолиқов "Насаф" билан ўйинда қизил карточка олиб 3та ўйинни ўтказиб юборди. Ҳозирча спорт формаси яхши эмас. Зотеевни ўрнига Ҳасанов ўйнамоқда, Муллажоновнинг ўрнида эса Ислом Тўхтахўжаев ўйнамоқда. Шу боис Шавкат ҳам майдонга кам тушмоқда.

"Локомотив" сафида кучли футболчилар кўп дейишади, ўша кучли футболчиларни кўрсатинглар кимлар ҳақида гап кетмоқда? Ҳамма футболчилар бир хил. Масалан терма жамоада фақат Ислом Тўхтахўжаев ўйнади тўғрими, унда яна қандай саволлар бор?", - дейди Абрамов.