Latest news

12:43"Арсенал" "Кристал Пэлас" вингерига қизиқмоқда  0 12:18"Лас-Пальмас" футболчиси автоҳалокат оқибатида ҳаётдан кўз юмди  0 11:50Эдерсон миш-мишларга чек қўйди  0 11:23Челестини Файзуллаевнинг ЦСКАдаги тақдирини ҳал қилади  3 10:56“Ливерпуль“ Англия терма жамоаси ҳимоячиси борасида музокараларни бошлади  3 10:30Германия МТЖ ҳужумчиси фаолиятини “Бавария“да давом эттиришига яқин  0 10:06“Реал“ етакчиси операциядан сўнг қанча муддат футбол ўйнамаслиги маълум  20 09:40Тео Эрнандес “Ал Ҳилол“да қанча даромад қилиши маълум  1 09:18“Арсенал“ “Тоттенхэм“ қизиқаётган футболчини “илиб кетмоқчи“  0 08:52Янги келишувга кўра Роналдунинг “Ал Насср“даги маоши маълум  32 08:27Шомуродов келажаги борасида бир қарорга келди  20 08:02Клублар ўртасидаги ЖЧ. "Реал" ва "Ал Ҳилол" кейинги босқичга йўл олди  9 07:30Суперлига. Қаршида турнинг марказий учрашуви бўлиб ўтади  23 01:57Клублар ўртасидаги ЖЧ. "Манчестер Сити" "Ювентус"ни "янчиб ташлади"  39 01:24"Арсенал" Родригога альтернатив топиб қўйди  0

Вадим Абрамов: "Ҳозирча Суперлигага чиқиб бўлганимиз йўқ" News

Вадим Абрамов: "Ҳозирча Суперлигага чиқиб бўлганимиз йўқ"

"Қўқон-1912" ҳамда "Динамо" ўртасидаги Про лига ўйинидан (0:0) сўнг меҳмон жамоа устози Вадим Абрамов матбуот анжуманида иштирок этди.

Вадим Абрамов: "Ўйин курашларга бой бўлди. Баҳс Ҳудди Кубок учрашувидек таассурот қолдирди. Мезбонлар бизни мағлуб этишни жуда хоҳлаганди. Биринчи бўлимда вазиятлар ярата олдик, иккинчисида эса рақиб узатмалар орқали баҳсда устунлик қилишди. Йигитлар бу босимга чидаб беришди. Дуранг бизни қониқтирарди".

- "Динамо"нинг 10-рақамдаги футболчиси баҳс охирида вақтни чўзишга ҳаракат қилди, бу сизнинг кўрсатмангизми?

- Йўқ. Эътибор берган бўлсангиз бунгача вақт чўзган футболчини алмаштирдим. Ўйинчилар баъзида футбол айёрликларидан фойдаланишади. Мен кўрсатма берганим йўқ, аммо бунга қарши ҳам эмасман.

- "Динамо" Суперлигага чиқиш масаласини деярли ижобий ҳал қилди, келаси мавсум жамоанинг неча фоиз футболчилари сақлаб қолинади?

- Ҳали чиқиб бўлганимиз йўқ. Масала ҳал бўлганидан сўнг кўриб чиқамиз. Жамоамиз ёмон эмас, аммо бугунги баҳсдан сўнг баъзи саволлар пайдо бўлди.

- "Динамо" Ўзбекистон Кубогида "Насаф" билан ўйнайди. Улар таркибида терма жамоа вакиллари бор ва улар чарчаб келишади. Самарқанд клуби финалга чиқа оладими?

- Ҳаракат қиламиз. Ҳар доим ҳам ярим финалга чиқавермаймиз. Йигитлар ўзини кўрсатишмоқчи. "Насаф" жиддий жамоа. Аввалги босқичларда ҳам рақиблар кучли эди. Қарши клуби айни дамда ўзбек футболи етакчиси. Мухлисларимизни хурсанд қилишга ҳаракат қиламиз.

- Жоель Кожо Қирғизистон терма жамоасига чақирилди. У Кубок ўйинигача қайтадими?

- Улгуради. Аммо 14 октябрдаги баҳсни ўтказиб юборади. Бунақаси иккинчи марта содир бўляпти. Демак, Кожосиз ўйнаймиз.

- "Динамо"ни Суперлигага чиққани билан табрикласак бўладими? Вазифа неча фоизга бажарилди?

- Сўнгги қадамни ташлаб, "Ғиждувон"ни мағлуб этишимиз керак. Ҳозир Суперлигага чиқдик дея олмайман. Имкониятларимиз ошди. Афсуски, бу ўйинни кўпчилик ўтказиб юборади.


Rating: +4   

Comments

championat.asia
< show latest news
Яндекс.Метрика