Вадим Абрамов: "Бизни "Навбаҳор"дек жамоага қарши ўйиндаги дуранг ҳам қониқтирмасди"

Ўйин ҳақида

— Аввало, барча мухлисларни янги мавсум билан табриклайман. Ўйин тенг курашлар остида кечди. Ғалаба қозонишимиз ҳам, мағлуб бўлишимиз ҳам мумкин эди. Вазиятлар бўлди, аммо ундан фойдаланишда оқсадик. Мухлислар гол кўриш учун келишади, аммо у бўлмади, шу сабаб кечириб қўясиз.

— Анвар Ҳожимирзаев бугун иккита вазиятдан фойдалана олмади.

— Наманган мухлисларини табриклайман, уларни хафа қилишни хоҳламади. Футбол шундай, кейинги ўйинда гол уришига умид қиламиз.

— "Динамо" Намангандаги 27-ўйинини ўтказди ва 7-дуранг кузатилди. Самарқанд жамоаси бу ерда ҳали ғалаба қозона олмаган. "Динамо" ҳужумлар қилди, аммо уни якунлай олмади. Пенальтини дастлаб Марко Станоевич тепмоқчи эди, аммо Анвар Ҳожимирзаев бу ишни ўз зиммасига олди.

— Биринчи саволга жавоб берадиган бўлсам, бу ҳаёжон билан боғлиқ бўлиши мумкин, барибир биринчи расмий ўйин эди. Пенальтига келсак, Анвар бизда олдиндан пенальтини тепарди. Марко мендан буни сўраганида, "Насаф"да пенальтидан ура олмаганини айтди. У эса фақат бир бор ўн бир метрлик нуқтадан гол ура олмаганини айтдим. Аммо, мен ўшани эслаб қолганман. Анвар Ҳожимирзаев тепиши менинг қарорим эди. Бугун у ўйинда жуда фаол ҳаракат қилди, аммо бугун унинг куни эмас эди. Бугун "Навбаҳор"дек жамоага қарши меҳмонда ютишни хоҳлагандик, дуранг бизни қониқтирмасди. Йигитлар учун мамнунман.

— Ўтган мавсум Ҳожимирзаев ва Кожо тандемини кўргандик. Ҳозирда эса Фрайдей ва Мираҳмадов билан бу ишламаётгандек. Шунингдек, Кожонинг кетганини клуб эълон қилмади ҳам, у эса ОЧЛда ўйнаб юрибди.

— Кетганини барча биладику, биз нимани эълон қилишимиз керак? Кожосиз Анвар қийналиб қолаётганини айтишга жуда эрта. Атиги бир тур ўтди, бешта турдан сўнг бу ҳақда нимадир дейиш мумкин. Анвар бугун гол уриши мумкин эди, аммо бугун унинг куни эмас эди.

— "Динамо"нинг бу мавсумдаги мақсади қандай?

— 16 жамоа каби энг юқори ўрин. Қайсидир ўрин учун курашамиз дейишимиз ғалати. Самарқанднинг янги ҳокими клубнинг базаси йўқлиги, машғулот майдони йўқлигига эътибор қаратади деган умиддаман. Ўйлайманки, "Динамо" шундан сўнг энг юқори ўрин учун курашади.