Вадим Абрамов «Астана» клуби бош мураббийи
28 nov 2013 16:29
News

Вадим Абрамов «Астана» клуби бош мураббийи

Ўзбекистон терма жамоаси собиқ устози Вадим Абрамов Қозоғистоннинг «Астана» клубига бош мураббий этиб тайинланди.

Бу ҳақда клуб расмий сайти хабар берди.

Вадим Карленович мураббийлик фаолиятини Фарғонанинг «Нефтчи» клубида бош мураббий ёрдамчиси сифатида бошлаган, сўнгра «НБУ-Осиё», «Трактор», «Локомотив» клубларида ишлаган. Бундан ташқари Абрамов Ўзбекистон олимипия ва миллий терма жамоаларида ҳам фаолият олиб борди.

Олимпия терма жамоаси билан бирга Вьетнам Федерацияси кубогини (икки бор), Валерий Лобоновский хотираси учун ўтказилган мусобақани қўлга киритган.

Ўзбекистон миллий терма жамоаси билан бирга 2011 йилги Осиё кубогида тўртинчи ўринни олганди. ЖЧ-2014 саралашининг сўнгги босқичига қадар олиб чиққанди.

Link :

Source : fca.kz

Receive latest football news directly on your phone. Subscribe for our Telegram channel!

Rating: