UzReport TV Испания чемпионати янги мавсумининг трансляция ҳуқуқини қўлга киритди

"Испания чемпионатидан ўрин олган футбол учрашувлари бутун дунйдаги футбол мухлислари қаторида юртимиздаги миллионлаб футбол мухлисларининг ҳам доимо диққат-марказида туради. Дунйдаги энг кўп мухлисларга эга бўлган “Барселона” ва “Реал” каби клублар ҳам айнан Испания чемпионати — Ла лигада иштирок этади.

Миллионлаб ўзбекистонлик футбол ишқибозларининг қизиқишларини инобатга олган ҳолда, UzReport Испания чемпионатининг янги мавсумини ҳам Ўзбекистон ҳудуди бўйлаб эксклюзив трансляция қилиш ҳуқуқини харид қилди. Мазкур эксклюзив ҳуқуқлар телевизион трансляциялардан ташқари, интернет орқали трансляция ҳуқуқини ҳам ўз ичига олади.

Ла лигада 1-тур учрашувлари 12-сентябр куни "Эйбар" ва "Селта" жамоалари ўртасидаги ўйин билан бошланади. Демак, 2 кундан кейин футбол мухлислари UzReport TV ва Futbol TV телеканаллари орқали Испания чемпионати ўйинларини жонли эфирда томоша қилиб, шиддатли ўйинлардан баҳра олишлари мумкин бўлади.

Севимли жамоаларингизни биргаликда қўллаб-қувватланг!

Сюрпризлар мавсуми давом этади!", деб ёзилади агентлик хабарида.