Уйда бўл! Ўзбекистон Суперлигаси давом этади, фақат...

Суперлига мухлислар ўртасида давом этади. Бугун ПФЛ тақвими асосида 4-тур ўйинлари бўлиб ўтади.

"Фанат Суперлига"да тўқнаш келадиган жамоаларнинг мухлислари ўз билимлари орқали беллашадилар.

Ҳар бир ўйинда 4та савол берилади. Ўша жамоалар тўқнашуви ўртасидаги ўйинлардан келиб чиқиб 2та савол, хориж ва Ўзбекистон терма жамоаларига оид 2та савол бўлади.

Қоида: Савол берилганидан кейин энг биринчи қайси жамоа мухлиси жавоб берса ўша жамоага 1 балл ёзилади. Вилоятлардаги интернет тезлиги ёки ўчиб қолишини инобатга олсак иккинчи жавоб ўртасидаги фарқ 1 дақиқани ташкил қилиши мумкин. Яъни масалан "Андижон" мухлиси 17:45да жавоб берса, "Сурхон" мухлисининг 17:46даги жавоби қабул қилинади.

Агар сиз мезбон жамоа мухлиси бўлсангиз жавобингиз олдидан 1 рақамини қўйинг. Бордию меҳмон жамоа мухлиси бўлсангиз 2 рақамини қўйинг ва жавобни ёзинг.

Балл натижалари 4:0, 3:1, 2:2, 1:3, 0:4 кўринишда бўлиши мумкин. Шунга қараб жамоаларга 1 ёки 3 очко ёзилади.

4-тур анонси:

17:00. "Қўқон-1912" - "Бунёдкор"
17:15. "Қизилқум" - АГМК
17:30. "Сўғдиёна" - "Пахтакор"
17:45. "Насаф" - "Навбаҳор"
18:00. "Сурхон" - "Машъал"
18:15. "Бухоро" - "Андижон"
18:30. "Металлург" - "Локомотив"