Усмонали Исмоналиев: "Иккинчи бўлимда ҳакамлар қандай ишлаганини тушунмадик. Пенальти йўқ эди"

- Қийин ўйин бўлди. Суперкубок ўз номи билан шундай бўлиши керак эди. Биз ютиб кетишимиз мумкин бўлганди, лекин ҳакам 50га 50 вазиятларда кўпроқ рақиблар фойдасига ҳуштак чалди. Ҳакамлар ўша вазиятларда нималарни кўрди, мен билмайман. Иккинчи бўлимда улар қандай ҳакамлик қилишганини биз тушунмадик. Жамоадошларимда ғалаба иштиёқи катта эди, буни ўзимда ҳам ҳис қилдим. Рақиблар битта вазиятдан гол уриб кетишди. Лекин бу биз улардан кам вазият қилдик дегани эмас. Буларнинг устида ишлаймиз.

- Пенальти белгиланган вазият ҳақида нима дейсиз?

- Ҳозир кийим алмаштириш хонасида йигитлар билан гаплашдик, пенальти йўқ эди деб ҳисобладик. Ҳакамнинг 50га 50 вазиятдаги қарори шундай бўлди деб ҳисобладик. Бу биз учун пенальти эмасди.