Усмон Тошев: «Бунёдкор» оғирроқ, «Динамо» эса яхшироқ ўйнаётгандек»
04 apr 2014 15:28
News

Усмон Тошев: «Бунёдкор» оғирроқ, «Динамо» эса яхшироқ ўйнаётгандек»

Таниқли мутахасис, мураббий Усмон Тошев «Эрудит Спорт» нашрида 4-тур учрашувлари олдидан фикрларини билдираркан, Самарқандда ўтадиган «Динамо» - «Бунёдкор» учрашувига тўхталиб ўтди.

«Ўтган турда «Сўғдиёна» майдонидан ишончли ғалаба билан қайтган «Динамо» «Бунёдкор»га қарши учрашув олдидан яхши кайфиятга эга бўлиб олди. Ҳар холда Равшан Ҳайдаров шогирдлари учта ўйиннинг иккитасида ғалаба қозонишди. Чемпионга қарши «Динамо» ўзининг энг яхши ўйинларидан бирини кўрсатишга ҳаракат қилади. Тўғри, тажриба борасида меҳмонлар устунроқ кўриниши мумкин, аммо амалдаги чемпион мана икки ўйиндирки ғалаба қозона олмаяпти. Ўз майдонида «Олмалиқ» билан очко йўқотилган бўлса, ОЧЛ доирасида Эронда мағлуб бўлинди» - дейилади газета тур олди превьюсида.

Бу борада тажрибали мутахассислардан бири Усмон Тошев ушбу ўйин борасида фикр билдириб, «Бунёдкор» клуби Самарқандда очко йўқотса ажабланмаслигини айтиб ўтди.

- «4-турда Самарқандда шиддатли ўйин бўлиши аниқ. «Бунёдкор»нинг ўйини бироз оғирроқдек тасаввур уйғотмоқда. «Динамо» эса аксинча яхшироқ ҳаракат қиляпти. Агар якшанба кунги Самарқанддаги бу учрашув дуранг натижа билан якунланса, бундан ажабланмайман» - дейди бухоролик мураббий.

Эслатиб ўтамиз, «Динамо» - «Бунёдкор» учрашуви 6 апрель куни «Динамо» стадионида соат 16:00да бошланади. Учрашувга чиқарилган чипталар ўйингоҳ кассаларида сотилмоқда.

Link :

Source : fcdinamo.uz

Receive latest football news directly on your phone. Subscribe for our Telegram channel!

Rating: