Усмон Асқаралиев: "Келишилган ўйинда ҳеч қачон сўнги дақиқада гол урилмайди"

- "Ўта қийин ўйин бўлди - деб сўзларини бошлади мураббий.

"Учрашув 90 дақиқа бўлса биз 95 дақиқа ҳужум қилдик. Мезбонлар ҳимояда айтарли хатоларга йўл қўйишмади. Лекин ўйин охиридаги қўпол хатолари уларга қимматга тушди. Бугунги ғалабадан кейин қувонишга хали эрта. Мен ҳар доим  ўйинчилар ва мухлисларга айтиб келганман ва яна айтаман: Бу футбол, унда ғолиб ва мағлуб бўлади. Шу сабабдан ҳам олдиндаги бахс тақдирини мен олдиндан айтолмайман. Лекин хар бир ўйинда ғалаба бизнинг мақсадимиз.

Учрашувни кўрмасдан бахо берувчилар катта хатога йўл қўйишади. Келишилган ўйинда ҳеч қачон сўнги дақиқада гол киритилмайди. Биз ҳар бир ғалабага ўзимизнинг кучимиз билан эришмоқдамиз. Серияли ғалабаларнинг сири, жамоа аҳиллигида! Лекин бизда ҳам камчиликлар йўқ эмас. Бироқ хатосиз иш хам бўлмайди!  Хамма ўйинга жиддий тайёрланамиз. Хоҳ у «Цементчи» бўлсин, хоҳ «Нурафшон». Лекин бугун асосий тўсиқдан ўтиб бўлдик,- дейди Усмон Аскаралиев.


Беҳруз Холиков тайёрлади