Урганчда “С” сертификати учун ўқув курси бошланди
29 sep 2013 21:30
News

Урганчда “С” сертификати учун ўқув курси бошланди

Мамлакатимизда футбол мураббийларининг билим ва тажрибаларини замонавий талаблар даражасига кўтариш, уларни тегишли лицензияларга эга бўлишини таъминлаш максадида ўқув курслари ташкил этилаётир.

Мазкур курсларнинг бевосита вилоятларда уюштирилиши мураббийларга қатор қулайликлар яратмоқда.

Осиё футбол конфедерациясининг “С” халқаро сертификати учун навбатдаги ўқув-машғулот курси Урганч шаҳрида бошланди. Жорий йилнинг 29 сентябридан 12 октябригача Хоразм спорт мажмуасида давом этадиган ушбу курс жараёнида воҳанинг спорт мактаблари, мактаб-интернатлари, Урганч олимпия захиралари коллежининг футбол гуруҳларида фаолият юритаётган 23 нафар мураббий иштирок этади.

Ўз навбатида ОФК инструктори Зоир Ҳасанов икки ҳафта мобайнида хоразмлик ёш мураббийларга назарий ва амалий машғулотлар бўйича сабоқ беради. Унга вилоят футбол федерацияси мутахассиси Эркин Қадамов координатор сифатида ёрдамлашади.

Ўқув курсини муваффақиятли тугатган мураббийлар Осиё футбол конфедерациясининг “С” халқаро сертификатини қўлга киритишади.

Икром ХУДОЙБЕРГАНОВ.

Link :

Source : championat.asia

Receive latest football news directly on your phone. Subscribe for our Telegram channel!

Rating: