Latest news

19:15Суперлига. "Хоразм" - "Андижон". Таркиблар маълум  3 18:47Расман: Роналду "Ал Насср"да қолди!  4 18:37"Бухоро" мураббийи регламентни бузди, "Динамо" VAR машинаси турган жойда хавфсизликни таъминлай олмади, "Навбаҳор" ўйин давомида тўпларни яшириб қўйди — Лига комиссарлари билдиргиси  6 18:10Сиқилма меҳмондир танангда бу жон ҳам... Ўзбекистон кубогида нималар бўлмоқда?   7 17:50Расман: "Арсенал" ёш футболчиси билан шартномани узайтирди  0 17:35"Эшитдик-да"нинг инсайди тасдиқланди: Исмоилов "Нефтчи"да!  15 17:23"Футбол олами". Хайр, "Нефтчи". Хайр, ОКМК   0 17:05Суперлига. 14-тур дисквалификациялари: "Сўғдиёна", "Навбаҳор" ва "Сурхон"да йўқотишлар бор  1 16:42"Ницца" "Манчестер Сити" ҳимоячисини ижарага олди  0 16:20Расман: "Ливерпуль" ҳимоячи трансферини эълон қилди  5 16:07"Бухоро" Олмалиқда ОКМКни Ўзбекистон Кубогидан чиқариб юборган баҳсдан ГАЛЕРЕЯ  1 15:50Тошкентда аёл ҳакамлар учун ФИФА семинари бошланди  0 15:38Ўзбекистон МТЖ собиқ аъзоси "Шўртан" мураббийлар штабидан жой олади  3 15:16"Манчестер Сити" футболчиси сафдан чиқди  0 14:49"Бунёдкор" стадионида аёллар ўйнайди: Суперлига баҳси "Дўстлик"ка кўчди  1

Унутилиб бораётган 5 собиқ юлдуз News

Унутилиб бораётган 5 собиқ юлдуз

Профессионал футболчининг бир маромда фаолият олиб бориши жуда қийин. Узоқ вақт давомида юқори даражани сақлаб қолиш мураккаб жараён. Кимдир бунга дош беролмайди ва истеъдоди кескин равишда пасаяди. Бу ҳолат баъзи футболчилар билан содир бўлган, биз ҳозир шулар ҳақида гаплашамиз.

Жердан Шакири

Ампула: ярим ҳимоячи

Ёши: 29 ёш

Қаерда ўйнайди: "Лион" (Франция)

Шакири ҳеч қачон ҳақиқий юлдузга айланмаган. У "Бавария", "Интер" ва "Ливерпул"да тўп суришга муваффақ бўлди, аммо Жерданни ҳеч қачон асосий ролда гувоҳи бўлмаганмиз. "Ливерпуль" таркибида швейцарияликлар футболчи учун сўнгги икки мавсум омадсиз бўлди. Шакири жамоадаги ўрнини йўқотди ва икки йил давомида Премьер-лигада бор йўғи 21 ўйин ўтказиб, 1 та гол урди ва 2 та голли узатмани амалга оширди. Натижада, ушбу ёзда Жердан 6 миллион евро эвазига ўртамиёна "Лион"га кўчиб ўтди. 29 ёшли ярим ҳимоячи Франция диёрида ҳозирда "Барселона"да ўйнаётган Депай каби ўз фаолиятини жонлантириш имкониятига эга бўлади.


Жек Уилшер

Ампула: ярим ҳимоячи

Ёши: 29 ёш

Қаерда ўйнайди: эркин агент

Жароҳатлар Уилшерга ўзини тўлиқ намоён этишга имкон бермади. Ўз вақтида у "Арсенал" етакчиларидан бири бўлган ва мунтазам равишда Англия терма жамоасига чақириларди. Аммо фаолиятининг сўнгги йиллари омадсиз бўлиб чиқди. 29 ёшли ярим ҳимоячи ўтган мавсумни Чемпионшипда "Борнмут" сафида ўтказди. Ҳозир эса Уилшир клублардан бебаҳра қолган. Бир пайтлар порлаши кутилаётган футболчининг карьераси шундай завол топмоқда.


Кшиштоф Пентек

Ампула: ҳужумчи

Ёши: 26 ёш

Қаерда ўйнайди: "Герта" (Германия)

Пентек 2018/19 йилги мавсумда Европа футболига динамит сингари кириб келди, у "Женоа" таркибида олти ой ичида 13 та гол урди. Бунинг ортидан 35 миллион евро эвазига "Милан"га трансфер қилинди ҳамда шу ерда поляк йигитнинг ўсиши тўхтади. 2018/19 йлги мавсумнинг қолган қисмида ҳам Кшиштоф ёмон натижа кўрсатмади — 18 учрашувда 9 та гол. Кейинчалик Пентек муаммоларга дуч келди. Аста-секин у таркибдаги ўрнини йўқотди ва 2020 йилнинг қишида "Герта"га бадарға қилинди. Бироқ Кшиштофнинг кетмони Бундеслигада ҳам учмади. Ўтган мавсумда у 32 ўйинда атиги 7 бор рақиб посбонларини ранжитган. Пентек "Милан"га кўчиб ўтганида, унинг карьераси шу тариқа давом этиши етти ухлаб, тушингизга кирмаган бўлиши керак.


Деле Алли

Ампула: ярим ҳимоячи

Ёши: 25 ёш

Қаерда ўйнайди: "Тоттенхэм" (Англия)

Сўнгги йилларда "Тоттенхэм"нинг порлаган юлдузи ва етакчиси бўлган Деле Алли ҳам юлдузлар маконида адашиб қолди. 25 ёшли ярим ҳимоячи ўтган мавсумда АПЛда 15 ўйинда майдонга тушиб, бор-йўғи битта голли узатмани амалга оширган. Алли шунчалик орқага кетдики, унинг трансфер бозоридаги нархи уч йил ичида 100 миллион евродан 30 миллион еврога тушди. Деле Англия термасидаги ўрнини ҳам йўқотди ва сўнгги Европа чемпионатини ўтказиб юборди. Аммо у ҳали 25 ёшда. Аллининг юқори даражага қайтиши учун ҳали-ҳамон йўллар очиқ.


Набиль Фекир

Ампула: ярим ҳимоячи

Ёши: 28 ёш

Қаерда ўйнайди: "Реал Бетис" (Испания)

Фекир ҳам охирги вақтларда тақдирга тан берди. 2018 йилда у "Ливерпул"га ўтиш арафасида эди. Аммо кейинчалик трансфер амалга ошмай қолди ва Фекирнинг фаолиятида пасайиш кўзга ташланди. 2019 йилда Набил 19 миллион евро эвазига "Бетис"га ўтди. Аммо француз футболчиси у ерда бирор нарсани қойиллатиб қўймади. Ўтган мавсумда Фекир 33 ўйинда атиги 5 бор дарвоза тўрларини титратган. Унга ҳозирда топ-клублар томонидан "совчи"лар келмай қўйган. Афсуски, Фекирнинг орзулари ҳам саробга айланмоқда.


Оқил Абдубарноев тайёрлади

Rating: +6   

Comments

championat.asia
< show latest news
Яндекс.Метрика