Унаи Эмери: “Дарвозамизга пеналти белгиланишидан олдин офсайд бўлганди”

“Менинг хатоим? Жамоа яхши ўйин ўтказди, аммо бу футбол. Биз бундай натижани кутмагандик. Аммо майдонда ҳаммаси мен кутгандек кечаётганди.

Бизни олдинда жавоб баҳси кутиб турибди. Ишонч билан айтишим мумкинки, биз кейинги босқичга чиқа оламиз. Биз аввалгига қараганда фаолроқ ҳаракат қилишимиз керак. 

Жавоб баҳсида ҳам худди шу ҳакам учрашувни бошқаришини ва ҳар иккала жамоага ҳам бир хил кўз билан қараб бошқаришини истайман. Дейлик, Мадриддаги баҳсда дарвозамизга пеналти белгиланган вазиятдан илгари рақиб футболчиси офсайдда қолганди.

Тиаго Силва ва Ди Мария? Тайёргарлик жараёни давом этмоқда. Кимпембени тактик жиҳатдан фойдаси тегишини ҳисобга олиб майдонга туширишга қарор қилгандим. Учта марказий ҳимоячидан мамнунман. Улар билан гаплашиб олдим. Битта ўйин билан ҳеч нарса ўзгариб қолгани йўқ. 

Силва-бизнинг сардор, Ди Мария муҳим футболчи. Иккаласи ҳам бизга керакли футболчилар”, дея таъкидлади Эмери.

Мадридда ўтган “Реал” – “ПСЖ” учрашувини Жанлука Рокки бошқарганди.