Умтити "Барселона"дан кетмоқчи эмас, ҳимоячи шартномани узайтирмоқчи

Франциялик футболчи якунланган мавсумда атиги 16 та ўйин ўтказган, шундан 13 тасида Ла Лига доирасида майдонга тушган. Декабрь ойида футболчи тиззасидан олган жароҳатини тиклаган бўлса-да, у ҳамон камдан-кам ҳолларда майдонга тушмоқда. "Барcелона" ҳимоячини сотмоқчи, аммо Умтити жамоадан кетиш ҳақида ўйламаяпти. Бундан ташқари, французнинг атрофидагилар унинг Каталония клуби билан шартномани узайтириш ниятида эканига ишонишади. Умтитининг амалдаги шартномаси 2023 йил ёзида тугайди.

Самуэлга бошқа жамоалардан таклифлар йўқ, аммо футболчи "Барселона"дан кетишни ҳатто ўйлаб кўргани йўқ. Умтити ўзини яхши формада деб ҳисоблайди ва асосий таркибдан жой олиш учун курашишга тайёр. Футболчи вазн ташлаган ва ўзини янада яхши ҳолатда ушлаб туриш учун парҳез тутмоқда.

Эслатиб ўтамиз, аввалроқ "Зенит"нинг Умтитига қизиқаётгани ҳақида миш-мишлар тарқалганди .