Уммон U-16 ўсмирларига қарши ўртоқлик ўйини қолдирилди

24 ва 27 июнь кунлари Тошкентда Ўзбекистон U-16 ўсмирлар терма жамоасига қарши иккита ўртоқлик учрашуви бўлиб ўтиши ҳақида аввалроқ хабар берган эдик. ЎФФ Терма жамоалар маркази берган маълумотга кўра, 23 июнь куни Тошкентга етиб келиши кутилган Уммон ўсмирлар терма жамоасининг ташриф режаси ўзгарган ва ўртоқлик ўйинлари бошқа муддатга қолдирилган.

Айни дамда Уммон ўсмирлар терма жамоаси билан музокаралар давом этмоқда. Уммон U-16 ўсмирлар терма жамоасининг Тошкентга ташрифи ва Ўзбекистон ўсмирлар терма жамоасига қарши ўртоқлик ўйинлари санаси ҳақида кейинроқ маълумот берилади.