Умар Адҳамзода: "Хоразм" биз кутган ўйинни намойиш этмади"
26 may 2025 13:05
News

Умар Адҳамзода: "Хоразм" биз кутган ўйинни намойиш этмади"

Суперлиганинг 11-туридан ўрин олган "Пахтакор" – "Хоразм" (2:1) учрашувидан сўнг мезбонлар ҳимоячиси Умар Адҳамзода фикрлари билан ўртоқлашди.

"Энг муҳими, ғалаба қозондик ва мухлисларни хурсанд қилдик. Қийин ўйин бўлди. "Хоразм" биз кутган ўйинни намойиш этмади. Ўз хатомиз эвазига тезкор гол ўтказиб юбордик. Аммо натижани ўз тарафимизга оғдира олдик.

Рақиблар бизни яхши ўрганиб чиқяпти. Ҳар доим ҳам йирик ҳисоб қайд этилавермайди. Муҳими – ғалаба.

Энди қисқа таътилга чиқамиз. Максимал куч тўплаймиз. Ҳа, бизни давра якунига қадар кучли рақиблар кутиб турибди. Лекин барибир ўша жамоаларга қарши ўйин ўтказамиз", деди 27 ёшли футболчи.