Latest news

11:25Энцо Мареска: "Челси" сўнгги ойдаги энг зўр ўйинини ўтказди"  0 10:43МЮ “Реал“ футболчисига расмий таклиф билан чиқди  0 10:10“Челси“ “Боруссия Д“ футболчисини сотиб олишга яқин  1 09:38Нико Уильямс “Барселона“га талаб қўйди  5 09:05Суперлига. Бугун 14-тур давом эттирилади  2 08:34"Нефтчи" собиқ футболчисини ортга қайтармоқчи  3 08:03Бугун аёллар терма жамоамиз Осиё кубоги саралашдаги юришини бошлайди  3 07:40Клублар ўртасидаги ЖЧ. "Челси" "Бенфика"ни йирик ҳисобда мағлуб этиб, чорак финалга йўл олди  6 01:50"Ал Ҳилол"нинг собиқ бош мураббийи "Ал Насср"ни бошқаришга рози бўлди  4 00:54Расман: Поль Погба - "Монако" футболчиси!  3 00:36Акмал Рустамов: "Йигитларнинг барчасига раҳмат айтаман, улар бор кучи билан ҳаракат қилишмоқда"  3 00:12Клублар ўртасидаги ЖЧ. "Бенфика" - "Челси" баҳси асосий таркиблари маълум!  5 00:10Мирко Йеличич: "Биз 60 дақиқа яхши ўйнадик"  0 23:55Суперлига. Алибоев супергол урган баҳсда "Нефтчи" "Қизилқум" билан дуранг ўйнади, "Навбаҳор" эса "Машъал"ни йирик ҳисобда енгди  0 23:51Клублар ўртасидаги ЖЧнинг биринчи чорак финалчиси маълум!  0

Улуғбек Бақоев: "ОФК Кубогида нафақат клуб, балки мамлакат шарафини ҳимоя қиламиз" News

Улуғбек Бақоев: "ОФК Кубогида нафақат клуб, балки мамлакат шарафини ҳимоя қиламиз"

Суперлиганинг 3-туридан ўрин олган "Нефтчи" – "Сўғдиёна" (1:2) учрашувидан кейин меҳмонлар бош мураббийи Улуғбек Бақоев матбуот анжуманида иштирок этди.


- Ўйин ҳақида

- Биринчи таймда 2 та гол уриб олдик, ҳаммаси яхши кетаётганди. Бироқ иккинчи таймда бир нечта ўзгаришлар қилганимиздан сўнг ўйинимиз ёмонлашди. Дарвозамиз олдида хавфли вазиятлар юзага кела бошлади. Бу нима билан боғлиқ эканлигини билмайман. Балки захирадан тушганлар ўйинга киришиб кета олмаганидандир. Яхшиямки ҳаммаси биз учун ижобий якун топди. Йигитларга ва мухлисларга раҳмат айтаман. "Нефтчи"га кейинги турларда омад тилайман.

- Жамоангиз чамаси охирги 15 дақиқа бир киши кўп бўлиб ўйнади, бироқ футболчиларингиз кўпроқ ўз дарвозаси томон интилдилар. Бу мураббийлар штаби кўрсатмасимиди?

- Йўқ, бундай кўрсатма бўлмаганди. Қатъият билан ўйнаш, қарши ҳужумга ўтиш, тўп назоратини қўлга олиш тушунтирилганди. Сиз айтган нарса ўзлари хоҳлагани учун эмас, чарчоқ ва ғалабани бой беришдан қўрқиш туфайли рўй берди. 

- Куни кеча "Сўғдиёна" ОФК Кубогида қатнашиши аниқ бўлди. Бу ҳам жамоага мотивация ва куч бердими?

- Ҳар бир спортчи йирик мусобақада қатнашишни хоҳлайди. Жамоамиз футболчилари ва мухлислар ҳам шуни исташганди. Бу албатта зўр. Энди биз нафақат клуб, балки мамлакат шарафини ҳимоя қиламиз. Уялтириб қўймасликка ва иложи борича охирги босқичгача етиб боришга ҳаракат қиламиз. 

- "Сўғдиёна" бир тўп фарқи билан олдинда борган пайтда вақтни кўп чўзади. Бу борада нима дея оласиз?

- Ўйинда тўхталиш рўй берса, бу ўз-ўзидан содир бўлмайди. Ҳакамлар ўйинни назорат қилиб боришади, ҳаммасини кузатиб туришади ва вазиятга қараб, шифокорларни майдонга чорлашади. Бу – футбол. Ҳамма ютишни хоҳлайди. Бугун "Сўғдиёна" ютди, эртага "Нефтчи" ғалаба қозонади. Шундай экан, бир-биримизга омад тилашимиз лозим.

- Ҳислат Ҳалиловни иккинчи таймда майдонга тушириб, кейин яна алмаштириб юбордингиз. Бу жароҳат билан боғлиқмиди?

- Биласизми, Ҳалилов ҳали ёш. У бундай даражадаги ўйинларда иштирок этмаган. Ҳечқиси йўқ. Бу ҳамма билан содир бўлиб туради. Имконият беряпмизми, у бу вақтни қадрлаши лозим. Унга ва бошқа ёш йигитларга омад тилаймиз.

Rating: +12   

Comments

championat.asia
< show latest news
Яндекс.Метрика