Улуғбек Бақоев “Навбаҳор” билан ўйиндан кейин нималар деди?
22 sep 2019 13:26
News

Улуғбек Бақоев “Навбаҳор” билан ўйиндан кейин нималар деди?

Coca Cola Суперлига 20-туридан ўрин олган “Сўғдиёна” – “Навбаҳор” учрашувидан сўнг, мезбонлар устози Улуғбек Бақоев ўйин борасида ўз фикрларини билдирди.

"Баҳс яхши ва жанговар руҳда кечди. Шогирдларимга жонкуярликлари, намойиш этган ўйинлари, мухлисларга эса жамоамизни муносиб тарзда қўллаб-қувватлашгани учун ўз миннатдорчилигимни билдираман.

“Навбаҳор” интизомли клуб, шунингдек, таркибида яхши, кучли футболчилар бор. Шу боис, наманганликларнинг бизга қарши қандай ўйин намойиш этишларини билган ҳолда, шунга яраша бўлажак баҳсга жиддий тайёргарлик кўргандик. Ўйин эса дуранг натижа билан якунланди", - дейди Улуғбек Бақоев.

“Навбаҳор” ПФК матбуот хизмати.