Улуғбек Бақоев: "Керакли пайтда очко олдик, бироқ натижадан қониқдим дея олмайман"
20 oct 2023 20:14
News

Улуғбек Бақоев: "Керакли пайтда очко олдик, бироқ натижадан қониқдим дея олмайман"

Tags : Улуғбек Бақоев "Бухоро" "Металлург"Coca Cola Суперлига

Coca Cola Суперлигаси 22-тури доирасида "Металлург" майдонидаги дурангдан кейин "Бухоро" бош мураббийи Улуғбек Бақоев ўз фикрларини билдирди.

- Турнир жадвалидаги ўрнимизни ҳисобга олган ҳолда Бекободга ижобий натижани мақсад қилиб келгандик. Баҳснинг дастлабки дақиқаларида бизда голга тортадиган яхши вазиятлар бўлди. Айниқса, "Металлург" бир киши кам бўлиб қолганидан кейин ташаббусни ўз томонимизга оғдиргандик.

Аммо ўзимизда ҳам четлатиш бўлгандан кейин ташаббусни бой бериб қўйдик. Иккинчи бўлим "Металлург"нинг устунлиги остида ўтди, шу сабабли бугунги ўйиндаги дуранг натижаси биз учун зарур натижа бўлди дея оламан.

Балки натижадан қониқдим дея олмасман, аммо керакли пайтда, сафарда очко олиш керак бўлиб турганди. Биз охиригача курашамиз. Имкониятлар етарлича. Ўз мавқеимизни яхшилашга ҳаракат қиламиз.

Link :

Source : championat.asia

Receive latest football news directly on your phone. Subscribe for our Telegram channel!

Rating: +3