Latest news

19:40"Ал Насср" Антони бўйича таклиф билан чиқди. МЮ вингер учун 50 млн фунт олмоқчи  1 19:14Гвардиола мўйловини ўстирди  6 18:45Ўртоқлик ўйини. "Арсенал" ва "Ньюкасл" ўртасида Сингапурдаги ўйинда 5 та гол урилди  1 17:50"Реал" ўйинчисини 13,5 млн евро эвазига қайта харид қилиш ҳуқуқи билан сотди  0 17:21"Барселона" "Виссел Кобе"ни мағлуб этди, Рэшфорд дебют ўйинини ўтказди  1 16:57Феликс 30+20 млн евро эвазига "Челси"дан "Ал Насср"га ўтади - Фабрицио Романо  5 16:30"Бавария" Диас учун "Ливерпул"га тахминан 80 млн евро таклиф қилди. Клублар битимнинг якуний тафсилотларини муҳокама қилмоқда  5 15:55"Ньюкасл" Александр Исак ўрнига 4 нафар номзодни маъқуллади  1 15:23"Реал" уч нафар футболчисини сотишга тайёр  5 14:58ПСЖ ва "Тоттенхэм" собиқ футболчиси "Персеполис"га ўтиши мумкин  3 14:16ПСЖ ўзига янги дарвозабон топди  0 13:38Феликс 44 млн фунт эвазига "Челси"дан Саудия Арабистони клубига ўтишга яқин  2 13:04Салиба "Реал"нинг қизиқиши фонида келажаги борасида қарор қабул қилди  7 12:23Брунунинг дубли МЮга АҚШдаги ўртоқлик ўйинида "Вест Хэм" устидан ғалаба келтирди  1 11:50"Атлетико" Бундеслигадан футболчи харид қилишга яқин турибди  3

Улуғбек Бакаев: "Дуранг адолатли натижа бўлар эди, аммо футбол фақат 90 дақиқа ўйналмайди" News

Улуғбек Бакаев: "Дуранг адолатли натижа бўлар эди, аммо футбол фақат 90 дақиқа ўйналмайди"

Суперлига-2025 дастлабки учрашуви ОКМК - "Бухоро" (2:1) баҳсидан сўнг бухороликлар бош мураббийи Улуғбек Бакаев учрашувдан кейинги матбуот анжуманида иштирок этди.

"Барча футбол ихлосмандларини Суперлига старти билан табриклайман ва барчага омад тилайман. Биз бугун кучли жамоага қарши ўйнадик. ОКМКни Миржалол Қўшоқович кўп вақтдан буён бошқариб келмоқда. Учрашувга яхши тайёргарлик кўргандик. Умуман олганда, яхши ўйин бўлди. Жамоа муносиб ўйин намойиш этди. Иштиёқ ва курашувчанлик бўйича эътирозлар йўқ. Захирадан майдонга тушган футболчиларимиз ўйинга қўшилиб кета олмагандек. Ўйин сўнггида ўтказиб юборган голимиз эса жуда аламли бўлди. Йигитларга ўйин учун раҳмат айтаман. Рақибимизни ғалаба билан табриклайман" - деди Улуғбек Бакаев бугунги учрашув ҳақида.

- "Бухоро" жамоаси бугун анча курашувчан ва яхши ўйин намойиш этди. Бугунги учрашувнинг натижаси қанчалик адолатли бўлди деб ўйлайсиз? "Бухоро" бугун мағлуб бўлишга лойиқмиди?

- Фикримча, ОКМК ғалабага лойиқ ўйин намойиш этмади. Дуранг адолатли натижа бўлар эди, аммо футбол фақат 90 дақиқа ўйналмайди, қўшиб берилган дақиқаларда ҳам ўйин давом этади. Жамоам ёмон ўйнамади, гол уришимиз ва ўтказиб юборишимиз ҳам мумкин эди. Биз дурангга муносиб эдик, бироқ сўнгги 3-4 дақиқани унутиб қўйдик ва шу сабабли мағлуб бўлдик. Футболчиларимга эътирозим йўқ. Биринчи тур баҳси ҳар доим қийин кечади, буёғига чемпионат тақвимига киришиб олишимиз керак.

- Иккинчи бўлимда захирадан майдонга тушган Асилбек Қаюмовнинг ўйинига қандай баҳо берасиз? Қаюмов деярли ҳар бир вазиятда тўпни йўқотди...

- Ҳозиргина шу ҳақда айтиб ўтгандим, фақатгина футболчининг исм-шарифини айтмаган ҳолда. Ўзингиз буни сезибсиз. У тўпни қабул қилиб олган барча вазиятларда тўпни йўқотди. Бунга нима сабаб бўлди, билмайман, балки ўйинга киришиб кета олмагандир ёки майдонга тушишдан олдин етарлича қизиб олмагандир. Бу ҳақда бир нима дейиш қийин. У яхши ўйин ўтказа олмади ва ушбу муаммони ҳал этиш ҳақида бош қотириш керак. Фикрингизга қўшиламан.

- Жамоангиз тезкор гол ўтказиб юборди. Нима деб ўйлайсиз, ўтказиб юборилган тезкор гол жамоангизнинг ўйинга тайёрлаган режасини қанчалик ўзгартириб юборди?

- Жамоам Суперлига баҳсларига тайёр деб ўйлайман. Руҳий  ва жисмоний ҳолатимиз анча яхши. Таркибимиз ҳам ўртачадан баланд деган бўлардим. Гол ўтказиб юборганимиздан сўнг тезда ҳисобни тенглаштира олдик. Бир нима дейиш қийин. Ўйлайманки, ўйин дурангга қараб кетаётган эди. Тўғриси, менинг фикримча ўша вазиятда фол бор эди. Ҳар бир жамоанинг ўз фикри бор, албатта. ОКМК бу вазиятда фол йўқ дейди, биз эса аксинча. Ҳакамлар ишини баҳолайдиган органлар ушбу вазиятни кўриб чиқишади ва якуний қарор чиқаришади.

- "Бухоро"нинг жорий мавсумдаги мақсадлари қандай? Йиғилган таркибдан қанчалик қониқяпсиз?

- Анча яхши жамоага йиға олдик. Биз "тўрт" баҳоли таркиб йиғдик. ОКМК ҳам анча жиддий рақиб эди. Улар ҳар мавсумда медаллар учун курашади. Чемпионат анча қизиқарли ва курашларга бой кечади деб ўйлайман. Сўнгги дақиқадаги голлар ва бундай ўйинлар сони кўп бўлади дея тахмин қилишим мумкин.


Rating: +4   

Comments

championat.asia
< show latest news
Яндекс.Метрика