Latest news

11:34"Атлетико" 25 млн евро эвазига америкалик ўйинчини ўз сафига қўшиб олмоқда  0 11:16Де Йонгнинг "Барселона"даги тақдири маълум бўлди  0 10:47“Барселона“ қай ҳолатда Маркус Решфорд билан шартнома имзолаши маълум  2 10:18EЧЛдаги финал Симоне Индзаги учун “Интер“ мураббийлигидаги сўнггиси бўлади  3 09:52“Реал“ Трент Александер-Арнольднинг шартномасини бекор қилиши учун “Ливерпул“га қанча тўлагани очиқланди  2 09:32Аббос Отахоновнинг Таиланд клубидаги фаолияти якунланди  2 09:21“Барселона Б“ни жаҳон чемпиони бошқаради  0 08:50Давид де Хеанинг келажаги маълум бўлди  0 08:23“Байер“ “Ливерпул“нинг таклифини қабул қилди. Инглиз жамоаси Вирц учун қанча тўлаши маълум  1 07:55АПЛ. Трансфермаркт нархлари ўзгарди. Энг катта ўсиш ва пастлаш кимда? Ҳусановнинг нархида ўзгариш бўлдими?  2 07:27Машарипов МТЖ ихтиёрига келди. Терма жамоамизнинг БААдаги машғулотлари давом этмоқда  19 01:17"Ал Иттиҳод" - Саудия Арабистони Қироли кубоги соҳиби!  2 00:45Дембеле Мбаппенинг ПСЖдан кетиши ҳақида: "У "Реал"да ўйнашни орзу қилганди"  3 00:16Роналду "Ал Насср" билан шартнома имзолаган  9 23:53"CAFA U17 Championship 2025". 3-ўрин учун баҳсда Туркманистон Қирғиз Республикаси ёшларини пенальтилар сериясида мағлуб қилди  4

Улар энди бошқа даража News

Улар энди бошқа даража

Халқаро майдонларда кураш олиб бораётган иккала клубимизнинг ҳам омади юришмаяпти.

ОЧЛ Элит муобақасида қатнашаётган "Пахтакор" бугун 6-ўйинини ўтказади. Шу пайтгача бешта баҳсда майдонга тушган "шерлар" уч дуранг ва икки мағлубият қайд этишди. Тўплар нисбати 1-3. Биламизки, Элит турнир Ғарб минтақасида 12та жамоа кураш олиб бормоқда. Ҳозирча 10-ўринда бораётган "Пахтакор" агар бугун ғалаба қозонса кучли саккизликка кириб олади, негаки айнан кучли саккизликдаги жамоалар плей-оффга йўл олади.

Осиё чемпионлар Лигасининг амалдаги ғолиби "Ал Айн"да ҳам вазият яхши эмас. Бу жамоа ҳозирча ғалаба қозонгани йўқ. "Ал Айн" ҳисобида бешта ўйиндан кейин бир дуранг ва тўрт мағлубият бор. Тўплар нисбати 9-17. Бу томондан олиб қарасак, бугун "Пахтакор" бемалол ғалаба учун ҳаракат қилса бўлади.

Нуфузи бўйича Элитдан кейинги ўринда турадиган ОЧЛ 2 мусобақаси иштирокчиси "Насаф" эса турнир билан хайрлашиб бўлди. Агар жамоа ўтган тур "Ал Ҳуссейн"ни мағлуб этганида яхши имкониятга эга бўларди, бироқ ҳозирча 4 очко жамғарган "Насаф" эртага "Шабаб Ал Аҳли"ни мағлуб этган тақдирда ҳам иккинчи ўринга кўтарила олмайди.

Пасайиш йили

Бу йил ўзбек клублари учун пасайиш йили бўлди. Яхши, ёш футболчилар етишиб чиқмади. Ички чемпионатда интрига у қадар кузатилмади. Биз учун ойна вазифасини бажариб бераётган халқаро мусобақалар ҳам буни ўзида акс эттириб келмоқда. Авваллари "Пахтакор" ОЧЛда ҳар тугул ўзини кўрсата оларди. "Насаф" учун эса ОФК Кубоги ўз мусобақасига айланиб қолганди. Лекин бу мавсум нимадир бўлди-ю, "Пахтакор" ва "Насаф" анча кучсизланиб қолгани кўринди.

Тўғри, "Насаф" Суперлига чемпионлигини қўлга киритди. Аммо бунинг учун ўта кучли рақобатни енгиб ўтди дея олмаймиз. "Пахтакор" ва "Навбаҳор"да юз берган мураббийлар муаммоси, ОКМКда юзага келган кадрлар муаммоси "Насаф" фойдасига ишлади ва "аждарлар" бундан унумли фойдаланиб қолишди. Чемпион жамоа фақат Ўзбекистонда эмас, балки халқаро даражада ҳам Ўзбекистон номидан зўр ўйнаб бериши керак. Лекин "Насаф"нинг ОЧЛ 2да омади келмаяпти. 

Бу нима билан боғлиқ? Аввало футболчилар салоҳияти билан. Биз бир нарсани тушуниб етишимиз керак, айниқса ОЧЛ Элит бошқа даражага кўтарилиб бўлди. Энди бу пули борлар ва кучли футболчилар ўйнайдиган мусобақага айланади. Пули кам жамоалар ҳамда кучсиз футболчиларга "нон" йўқ. Демак, ОФК бежизга бизга 1+1 ўрин бермаган экан.

Хавотирли келаси йил

Келаси мавсум "Насаф" чемпион сифатида ОЧЛ Элитда қатнашади. Кубок соҳиби "Андижон" эса ўз омадини ОЧЛ 2да синаб кўради. Келаси йил мусобақа янада кучайиши ҳамда эътибор ортишини ҳисобга олсак, "Насаф" ва "Андижон" қандай тайёргарлик кўради ва Ўзбекистон номидан қандай қатнашади - бу бир қатор саволларни келтириб чиқаради.

Ҳозирги ҳолат шуни кўрсатяптики, биз ОФКдан 1+1дан бошқасини талаб қила олмаймиз. Қолаверса клубларимиз тўплаётган баллар ҳам 1+1дан ортиғига тортмаяпти. Чунки футбол ўйнашни тўхтатиб қўйдик. Олдинлари ёшлар ўзини кўрсатиб, ярқ этиб порларди. Лекин ҳозирги ёшларнинг кўзи олов йўқ. Ё ҳаммани смартфон буздими?

Терма жамоамизнинг ЖЧ саралашдаги энг катта ютуғи ва таянчи легионерлар бўлиб турибди. Агар терма жамоа фақат маҳаллий футболчилардан иборат бўлганида биз ҳозир 2-ўринда бўлмасдик. Чунки маҳаллий ўйинчиларда кучайиш, йил сайин ўсиш кўринмаяпти. Битта қандайдир поғонага чиққиб кейин тўхтаб қолишяпти. Яхшиям бахтимизга легионерлар бор, улар ҳатто Катанецсиз ўйнаб ҳам керакли очколарни йиғиб беряпти. Катанец таркибни танлаяпти, футболчилар футбол ўйнаяпти. Ҳозирги терма жамоамиз ўйини ва ютуғи шунда.

Кападзе, Жепаров, Одил Аҳмедов каби собиқ футболчиларнинг ёшлиги ёдингиздами? Улар ўйинга чанқоқ бўлиб туришарди. Кападзе-Жепаров тандеми айниқса Осиёда зўр иш берган йилларни кўрдик. Одил Аҳмедов ёшлигидан Чемпионлар Лигасида ўзини кўрсата олганди. Нега ҳозир шунақа футболчилар етишиб чимаяпти? Нега биз халқаро ўйинларга ўйин ўтса бўлди қабилида қарай бошладик? Бу кетишда келаси йил "Андижон" ва "Насаф"дан нима кутамиз? Ё қатнашиб берса бўлдими? Бу каби саволларга бугундан жавоб изламасак, эртага кеч бўлади.

Х.Холиқов.

Rating: +3   

Comments

championat.asia
< show latest news
Яндекс.Метрика