УЕФА молиявий фэйр-плей қоидаларини такомиллаштирмоқчи

Европа ташкилоти "Манчестер Сити" ва ПСЖ каби бой клублар устидан назоратни кучайтирмоқчи.

МФПнинг янги сонида футболчилар хариди ва сотуви ўртасидаги фарқ йилига 100 млн. евродан ошмаслиги керак. Агар бу қоида ўтган йили амал қилганида, ПСЖ Неймар ва Мбаппе трансферлари учун (400 млн. евро) 300 млн. евролик футболчи сотишига тўғри келар эди.

Шу билан бирга, УЕФА бир жамоада профессионал футболчилар сонини чегаралаб қўймоқчи - 25 футболчи. Бундан ташқари, клубларнинг томонлар билан боғлиқ шартномасига ҳам чеклов қўйилиши мумкин. Битимлар клуб даромадининг 30%дан ошмаслиги зарур.

Янги қонунлар 24 май куни УЕФА ижро қўмитаси томонидан кўриб чиқилади. Агар улар қабул қилинса, келаси мавсумдан кучга киради.