УЕФА Европа Лигаси финалига мухлислар киришига рухсат бериши мумкин

Манбанинг хабарига кўра, футбол мутасаддилари Польша расмийлари билан биргаликда 10 мингга яқин томошабин финални томоша қилиш учун киритилишини муҳокама қилмоқда. Бу стадионнинг тўртдан бири тўлишини англатади.

Ушбу масаланинг муҳокамаси режага мувофиқ олиб борилмоқда ва қарор расмий равишда 30 апрель, жума куни эълон қилиниши мумкин.

Эслатиб ўтамиз, 2020/2021 йилги мавсумда ғолиблик учун "Вильярреал", "Арсенал", "Манчестер Юнайтед" ва "Рома" курашмоқда.

Биринчи ярим финал учрашувлари 29 апрель, пайшанба куни бўлиб ўтади. Жавоб учрашувлари эса 6 май куни ўтказилади.