УЕФА "Арсенал" дарвозасига берилган пенальтининг бекор қилиниши бўйича баёнот берди

Ўйиннинг 23-дақиқасида меҳмонлар жарима майдонида тартибсизлик юз берди. Деклан Райс Асенсионинг тўпни узатишидан сўнг Килиан Мбаппени ушлаб қолди ва пенальти келтириб чиқарди. Бироқ VAR бригадаси билан узоқ муҳокамадан сўнг учрашув бош ҳаками 11 метрлик зарба ва Райсга берилган сариқ карточкани бекор қилди. Сариқ карточка ярим ҳимоячини ярим финалнинг эҳтимолий биринчи ўйинидан четда қолдириши мумкин эди.

Кейинчалик УЕФА ҳакамнинг қарорини тасдиқлади ва қуйидагича баёнот берди: 

"Реал" фойдасига белгиланган пенальти Деклан Райс томонидан қоидабузарлик бўлмагани сабабли бекор қилинди".