UCFGA аъзолигида “БарсаМания Ташкент” ва “Madridista Uzbekistan” “Бунёдкор” стадионида

Ушбу учрашувни томоша қилиш учун кўп сонли мухлислар “Бунёдкор” стадионига ташриф буюришди. Шунингдек кечаги баҳсда вакилларимизни қўллаб-қувватлаш учун “Барселона”нинг “БарсаМания Ташкент” ва “Реал Мадрид”нинг “Madridista Uzbekistan” мухлислар клуби аъзолари UCFGA Ассосиацияси президенти Азизбек Паттахов бошчилигида мухташам “Бунёдкор” стадионига ташриф буюришди. “Madridista Uzbekistan” мухлислар клуби сардори Баҳодир Солихов ва “БарсаМания Ташкент” мухлислар клуби сардори Отабек Адилов биргаликда елкама-елка туриб “Насаф” клубини шиддат билан қўллаб-қувватлашди. UCFGA Ассосиацияси президенти Азизбек Паттаховнинг таъкидлашича мана шундай лойиҳани жамоаларимиз иштирокида барча халқаро учрашувларда ва ички чемпионатларда амалга оширмоқчи.

Эслатиб ўтамиз, ушбу икки клуб мухлислари ўртасида дўстона алоқа йўлга қўйилганига бир неча кун бўлган бўлсада, бу икки мухлислар клуби бир-бири билан худди ака-укадек муносабатда бўлишмоқда. Бундай дўстлик узоқ йиллар давом этишини тилаб қоламиз.