"У исталган клубни танлаши мумкин эди, лекин биз билан қолди". Слот Салоҳнинг садоқатидан хурсанд

"Умид қиламанки, якшанба куни бўлиб ўтадиган ўйинда Салоҳ жамоадаги асосий ролини яна бир бор исботлайди. У ажойиб футболчи. Эркин агентлигида дунёнинг исталган топ-клубига ўтиши мумкин эди, аммо Муҳаммад биз билан қолишни танлади ва бу ҳурматга лойиқ", – деди Слот.

"Ливерпуль" мисрлик ҳужумчи билан шартнома узайтирилганини 11 апрель куни эълон қилди. Янги шартнома 2027 йилнинг ёзига қадар мўлжалланган.

Салоҳ "қизиллар" сафида 2017 йилдан буён ўйнаб келмоқда. У жорий мавсум клуб таркибида 45 ўйинда майдонга тушиб, 32 та гол урди ва 22 та голли пас узатди.