U-23 Осиё чемпионати қуръасида Ўзбекистон биринчи саватчада бўлади
27 mar 2019 09:22
News

U-23 Осиё чемпионати қуръасида Ўзбекистон биринчи саватчада бўлади

Кеча қитъамизда U-23 Осиё чемпионати саралаш баҳслари якунига етди.

Ушбу ўйинлардан кейин Осиё чемпионатига йўлланма олган барча 16та жамоа номи маълум бўлди.

Таиланд мусобақа мезбони сифатида йўлланмага эга чиқди. Саралаш орқали қитъа чемпионатига чиққан жамоалар: Қатар, Баҳрайн, Ироқ, БАА, Иордания, Ўзбекистон, КХДР, Жанубий Корея, Япония, Хитой, Вьетнам, Австралия, Эрон, Сурия, Саудия Арабистони.

Осиё чемпионати 2020 йилнинг 8-26 январь кунлари Таиланд мамлакатида бўлиб ўтади. Ўзбекистон ўтган мусобақа чемпиони сифатида қуръа ташлаш маросимида 1-саватчадан жой олади.