U-23 Осиё чемпионатидаги рақибимиз Эрон терма жамоасида мураббий ўзгарди

Маълумки, футболчиларимиз гуруҳ ўйинларини Эрон, Хитой ва Жанубий Кореяга қарши ўтказишади. Яқинда Эрон олимпия терма жамоасида бош мураббий ўзгарди. Бунгача жамоани бошқариб келган Фарҳад Мажиди истеъфога чиқиб, унинг ўрнига бошқа маҳаллий мутахассис Ҳамид Эстили тайинланди. 

Шундай қилиб ўтган бир йилга вақт ичида Эрон U-23 жамоасида учинчи марта мураббий алмашди. Аввалига хорватиялик мутахассис Златко Кранчар иш олиб бораётганди. Ундан кейин Фарҳад Мажиди қисқа муддат фаолият борди ва мана энди терма жамоа яна бошқа мураббий қўлига ўтди. 

Эслатиб ўтамиз, навбатдаги U-23 Осиё чемпионати 8-26 январь кунлари Таиландда ўтказилади ва кучли учликка кирган жамоалар Токио Олимпиадасига йўлланма олади. 

P.S. Ҳамид Эстили 1998 йилги жаҳон чемпионатида АҚШ терма жамоасига тарихий голни ургани билан ёдда қолган.