U-23 Осиё чемпионати. Энг ёш таркибга эга Япония биринчи бўлиб чорак финалга чиқди
13 jan 2018 21:01
News

U-23 Осиё чемпионати. Энг ёш таркибга эга Япония биринчи бўлиб чорак финалга чиқди

Хитойдаги U-23 Осиё чемпионатининг иккита гуруҳида 2-тур ўйинлари якунига етди.

"B" гуруҳида КХДР ва Фаластин ўртасидаги баҳсда дуранг қайд этилди - 1:1. Бу мусобақада 1997 йил ва ундан кейин туғилган футболчилар билан қатнашаётган Япония эса Таиландни 1:0 ҳисобида мағлуб этиб мусобақада биринчи бўлиб чорак финалга чиқишга эришди.

"C" гуруҳида эса бу турдаги иккала баҳс ҳам дуранг натижаси билан тугади. Иордания ва Малайзия ўртасидаги учрашувда томонлар биттадан гол уришга эришишди - 1:1. Ироқ - Саудия Арабистони учрашувида эса ҳисоб очилмади - 0:0.