U-20 Осиё кубогига қуръа ташлаш санаси маълум. Ўзбекистон 1-саватчада бўлади
01 nov 2024 11:50
News

U-20 Осиё кубогига қуръа ташлаш санаси маълум. Ўзбекистон 1-саватчада бўлади

Осиё футбол конфедерацияси 2025 йилнинг февраль ойида Хитой мезбонлик қиладиган U-20 Осиё кубоги финал босқичига қуръа ташлаш мароси ҳақида маълумот берди.

Унга кўра, маросим 7 ноябрь Тошкент вақти билан соат 12:00 да Хитойнинг Шенчжен шаҳрида ўтказилади.

Жамоалар 4 та саватчага ажратилган бўлиб, амалдаги мусобақа ғолиби Ўзбекистон U-20 терма жамоаси 1-саватчадан ўрин олган:

1-саватча
Хитой (мусобақа мезбони)
Ўзбекистон
Ироқ
Япония

2-саватча
Корея Республикаси
Австралия
Эрон
Иордания

3-саватча
Индонезия
Саудия Арабистони
Сурия
Қирғиз Республикаси

4-саватча
Қатар
Таиланд
Яман
КХДР

Маълумот ўрнида, мазкур мусобақа Чилида бўлиб ўтадиган 20 ёшгача футболчилар ўртасидаги ФИФА Жаҳон чемпионатига саралаш вазифасини ҳам ўтайди. Мусобақанинг энг яхши 4 та жамоаси 2025 йилги ёшлар ўртасидаги мундиалда иштирок этиш ҳуқуқини қўлга киритади.