U-20 ЖЧ. Бугун Осиёнинг икки жамоаси ўйнайди + кечаги ўйинлардан суратлар
28 may 2019 15:41
News

U-20 ЖЧ. Бугун Осиёнинг икки жамоаси ўйнайди + кечаги ўйинлардан суратлар

Польшада бўлиб ўтаётган ёшлар ўртасидаги жаҳон чемпионатида бугун "E" ва "F" гуруҳи жамоалари 2-тур баҳсини ўтказишади.

Бугун Осиёнинг икки жамоаси - Саудия Арабистони билан Жанубий Корея навбатдаги тур учрашувини ўтказади. U-19 Осиё чемпионатининг амалдаги ғолиби Саудия Арабистони Мали билан куч синашса, Жанубий Корея ЖАР ёшларига қарши баҳс олиб боради. Ҳар икки учрашув 23:30да старт олади. Катта эҳтимол билан "Спорт" ТВ мана шу ўйинлардан бирини тўғридан-тўғри намойиш этади.

Кеча Қатар Украинага қарши баҳс олиб бориб, 0:1 ҳисобида имкониятни бой берди. Осиёнинг тўртинчи вакили Япония эса 2-турда Мексикани йирик 3:0 ҳисобида мағлуб этди. Қуйида кечаги ўйинлардан энг яхши суратларни тақдим этамиз.