U-16 Халқаро ўртоқлик турнири. Шукуруллаевнинг суперголи Ўзбекистонни мағлубиятдан қутқариб қололмади
20 aug 16:09
News

U-16 Халқаро ўртоқлик турнири. Шукуруллаевнинг суперголи Ўзбекистонни мағлубиятдан қутқариб қололмади

Бугун Ўзбекистон U-16 терма жамоаси Хитойда давом этаётган Халқаро ўртоқлик турнирининг учинчи турида майдонга тушди.

Жамоамизнинг бугунги рақиби - мусобақа мезбонлари Хитой ўсмирлар терма жамоаси бўлди.

Қизиқарли баҳсларга бой ўтган беллашувда ҳисобни юртдошларимиз очишга муваффақ бўлишди. 18-дақиқада Абубакир Шукуруллаев хитойликлар дарвозасини ишғол этди. Футболчимизнинг суперголини телеграм-каналимизда томоша қилишингиз мумкин.

Бироқ биринчи бўлим охирида (42-дақиқа) Ванг Йининг аниқ зарбасидан кейин мувозанатни тиклаган мезбонлар, иккинчи бўлим ўрталарида (68-дақиқа) Веи Шиангшиннинг голи эвазига иродали ғалабага эришди.

U-16 Халқаро ўртоқлик турнири
Хитой 2:1 Ўзбекистон
Голлар: Ванг Йи; Веи Шиангшин — Абубакир Шукуруллаев