Тьяго Алькантара укаси Рафиньяни қўллаб-қувватлади

Рафинья "Рома"га қарши ўйинда жиддий жароҳат олиб 6 ойга сафдан чиққан эди.

"Мана энди онамнинг сўзларини тушуниб етдим: "Ундан кўра менинг тиззаларим жароҳат олгани яхши эди". Ҳозир ўзимни онамнинг ўрнида кўрдим ва уни тушундим. Онам ҳам сен ҳақингда худди мен каби қайғураётганига ишонаман. Биз доимо орзуларимиз ушалиши учун курашишимиз, иродали бўлишимиз кераклигини эшитар эдик. Аммо бизга ҳеч ким йўллар сирпанчиқ эканлигини айтмаган. Тез орада тузалиб кетишингга тилакдошман. Сени яхши кўраман, укажон" - дейди Тьяго.