Тухель Лукаку келажакда "Челси" сардори бўлиши мумкин деб ҳисоблайди

"Лукаку - юқори даражадаги спортчи, у машғулотларни севади, унинг юзида доимо табассум, у ҳар бир мусобақада ғалаба қозонишни хоҳлайди. Бу яхши. Ромелу бошқаларга наъмуна бўлмоқда.

У сардор бўлиши мумкинми? Ҳа, шундай бўлиши мумкин деб ўйлайман. Аммо, ҳозир буни ўйлашнинг пайти эмас, бизда ажойиб сардор бор. Асосийси - Ромелу ўзини сардорлардек тутмоқда, бу эса шунчаки сардорлик боғичи бўлишидан кўра муҳимроқ", - дейди Тухель.

Жамоанинг амалдаги сардори испаниялик ҳимоячи Сесар Аспиликуэтадир.

Лукаку "Челси"га 2021 йилнинг августида "Интер"дан ўтди. 28 ёшли бельгиялик футболчи жорий мавсум клуб сафида 5та ўйинда майдонга тушиб, 4та гол уришга эришди.