Тухель “Челси”даги илк ғалабаси ҳақида фикр билдирди

“Бизда имкониятлар кўп бўлди, аммо биринчи гол урилишини узоқ кутишимизга тўғри келди. Мени ҳайратлантирган нарса шундаки, биз ўйин назоратини умуман бой бермадик ва доимий равишда ўз ўйинимизни рақибга кўрсатдик. Кайфият ва энергия жуда яхши эди. Ўз дарвозамиз олдида фақатгина битта хавфли вазият яратилишига йўл қўйдик, бу эса баҳснинг 94-дақиқасида юз берди.

Бугун жамоавий оғир меҳнат эвазига ҳақли ғалаба қўлга киритилди. “Вулверхэмптон”га қарши баҳсда майдонга тушган футболчилар ҳам ўзини кўрсатиш имконидан фойдаланди. Бугунги ўйин ва “Челси” футболчилари томонидан кўрсатилган энергиядан жуда мамнунман. Бу бизга порлоқ келажакка ишонишимиз учун улкан туртки беради.

Ҳамма менга аллақачон “Тоттенхэм” билан бўлажак учрашув қандай аҳамиятга эгалигини айтиб берди. Ушбу баҳс муҳимлигини англаб етдим. Пайшанба куни ғалаба учун ўйнаймиз”, дейди немис мутахассиси.