"Турон" жамоасида нималар бўлмоқда?
21 nov 2023 14:43
News

"Турон" жамоасида нималар бўлмоқда?

Мавсум якунига келиб Суперлига жамоаларидаги муаммолар сув юзига қалқиб чиқишни бошламоқда.

"Турон" футболчиларининг сайтимизга маълум қилишича, клубда 4 ойдан бери маош берилаётгани йўқ. Бундан ташқари сафар учрашувларига ўйин куни борилаётгани, футболчиларнинг овқатланиши, базадаги иситиш тизими (отопление) билан боғлиқ муаммолар бор. Жамоа фақат ўйиндан 3 кун олдин йиғилмоқда.

Бизга етиб келган хабарларга кўра, ҳозирги кунга келиб жамоани 7 нафар футболчи тарк этган. Дейлик, яйпанликлар аъзоси Нодирбек Мукаров "Насаф" сафида машғулотлар ўтказаётганини кўриш мумкин.

Маълумот учун, "Турон" айни пайтда Суперлигада 16 очко билан 13-ўринни эгаллаб турибди. Жамоа кейинги турни 22 ноябрь куни Яйпанда "Андижон"га қарши ўтказади.