Latest news

23:28Клублар ўртасидаги ЖЧ. "Бенфика" – "Бавария". Таркиблар аниқ!  0 23:11Зико: "Европа футболига ҳаддан ташқари юқори баҳо бериб юборилган"  3 23:10Виталий Левченко: "Битта учрашувга қараб фикр чиқариш нотўғри. Ҳеч нимани беркитмаяпмиз, исталган саволингизга жавоб бераман"  6 22:50Санчога Туркиядан харидор чиқди. Футболчига катта маош таклиф қилинмоқда  0 22:23Мбаппе касаллик туфайли 4-5 кг вазн йўқотди  2 21:50"Ньюкасл" Эланга учун 45 миллион фунт таклиф қилди, аммо  0 21:30Ўзбекистон Кубоги. "Нефтчи" ўз уйида "Машъал"га мағлуб бўлиб, мусобақа билан хайрлашди. "Сўғдиёна" "Қизилқум"ни қийинчиликсиз мағлубиятга учратди  72 21:05"Ал Қодисия" МЮ қизиқаётган ҳужумчига 15 млн евро таклиф қилди  0 20:39Эшитдик-да! "Арал"га учралган мағлубиятдан сўнг "Локомотив" мураббийлар штаби жамоани тарк этди  11 20:08Про лига. "Арал" тур марказий ўйинида "Локомотив"дан устун келди  3 19:42"2+1" қайд этган ҳужумчи, тур голини урган ёш хавбек, жамоасини муқаррар голлардан қутқарган дарвозабон — Суперлигада 13-турнинг энг яхшилари  0 19:2538 ёшга тўлган Лионель Месси ҳақида 38 та қизиқарли маълумот  9 19:07Норчаев, Холматов, Абдухолиқов ва бошқалар ... Суперлига 13-тур рамзий терма жамоаси  1 19:04Абрамов мантиқан ҳеч нарса йўқотмади, Зейтуллаев учун керакли ғалаба эди — Абдулазиз Искандаров таҳлили  2 18:39"Футбол олами". "Динамо"да мавсумдаги илк мағлубият, "Навбаҳор" - ОКМК 3:0 — 13-тур ҳақида батафсил   0

Туркманистон клуби Гиннес рекордини янгилади, бироқ у тан олинмади. Нима учун? News

Туркманистон клуби Гиннес рекордини янгилади, бироқ у тан олинмади. Нима учун?

Клуб кетма-кет 37 та учрашувда ғалаба қозонган.

Туркманистоннинг янги ташкил этилган "Арқадағ" футбол клуби 37 учрашувнинг барчасида ғалаба қозониб, Гиннеснинг рекордлар китобидаги натижани янгилади. У Саудия Арабистонининг "Ал Ҳилол" клубига тегишли бўлиб, жамоа 34 та ғалаба қайд этган. Аммо Рекордлар китоби ходимлари натижани қайд этишга шошилишмаяпти, деб ёзмоқда "The Guardian".

Гиннес китоби вакили "Арқадағ"нинг ғалабалар серияси нима учун рекордлар маълумотномасида ҳисобга олинмаганини тушунтирди.

"Туркманистон лигаси ҳақида жуда оз нарса маълум, бу ва шунга ўхшаш рекордлар бўйича олиб борган тадқиқотларимиз учун биз хоҳлаганимиздан камроқ. Биз одатда бошқарув тизими ва рақобатнинг мавжудлигига ҳам қараймиз. Буларнинг барчасини инобатга олиб, рекордчи "Ал Ҳилол" эканлигини тасдиқладик", – деди Гиннес китоби вакили.



"Ал Ҳилол" март ойида кетма-кет 28 ўйинда ғалаба қозониб, жаҳон рекордини янгилади ва "Ал Ҳилол"нинг ғалабали серияси энди 34 ўйинга етди.

"Арқадағ" клубига расман собиқ президент, Туркманистон Халқ маслаҳати раиси Гурбангули Бердимуҳамедов асос солган.

2019 йилда ташкил этилган шаҳар ва клуб Туркманбоши меросхўри Бердимуҳамедов номи билан аталган. "Арқадағ" сўзи собиқ давлат раҳбарининг расмий унвони бўлиб, "қўрғон, таянч ва умид" деган маънони англатади.

"Арқадағ" 2023 йилнинг баҳорида ташкил этилган. Клуб ўша йили Туркманистон чемпиони бўлди ва 24 учрашувнинг барчасида "+66" тўп фарқи билан ғалаба қозонди. Шунингдек, жамоанинг мамлакат кубогида 7 та, Туркманистон лигасининг янги мавсумида эса 6 та ғалабаси бор (ушбу мусобақадаги тўплар фарқи "+30"). От тасвири туширилган клуб формаси ва логотипи дизайни билан Бердимуҳамедовнинг ўзи шуғулланган, унинг ташаббуси билан "Арқадағ" яратилган.



Туркманистон сиёсий режимининг ўзига хос хусусиятларини инобатга олган ҳолда, мамлакатнинг барча энг яхши ўйинчилари дарҳол клубга қўшилган. Ҳатто "Арқадағ" ўзига керакли футболчиларни сотиб олиши учун трансфер ойнаси махсус узайтирилган.

Бундай шароитларда сиз ҳар қандай рекордларни ўрнатишингиз мумкин, айниқса, сизнинг ихтиёрингизда мутлақо чексиз маъмурий ресурслар мавжуд бўлса, улардан ҳатто деярли рақобатдош бўлмаган вазиятда ҳам бирор нарса нотўғри кетганда фойдаланиш мумкин.



"The Guardian" эътиборини "Шагадам" билан ноябрь ойида бўлиб ўтган ўйинда 2:2 ҳисоби қайд этилиб турган пайтда "Арқадағ" фойдасига пенальти белгиланган ва бунинг эвазига Бердимуҳамедов жамоаси яна бир бор ғалаба қозонганига қаратди.

Умуман олганда, нашрнинг қайд этишича, Бердимуҳамедов онгли равишда Арқадағ шаҳрини Гиннеснинг рекордлар китобига киритишни таъминлашга интилади. Ва бу мақсадга эришиш учун у ҳеч нарсадан тап тортмайди.

Гиннес рекордлар китобига киришдек юқори маррани тез фурсатда забт этолмаганига қарамай, "Арқадағ" вакиллари ёзга келиб, жамоалари умумосиё мусобақаларида мақсадига эришишидан умид қилишмоқда.

Rating: +19   

Comments

championat.asia
< show latest news
Яндекс.Метрика