Тур ҳаками - Равиль Шояхметов
09 apr 2018 21:30
News

Тур ҳаками - Равиль Шояхметов

Суперлиганинг 5-турининг энг яхши ҳаками деб "Локомотив" - "Қўқон-1912" (1:1) учрашувида ишлаган қанот ҳаками Равиль Шояхметов топилди.

"CA" Суперлигани янгича форматда ёритади

Учрашув давомида жуда яхши ишлаган Равиль Шояхметов бир вазиятда жуда мушкул ва баҳсли ҳолатда оқилона қарор чиқарди. Бош ҳакам Валентин Коваленко иккинчи бўлимда "Қўқон-1912" дарвозасига пенальти белгилади, аммо ўша вазиятда қанот ҳаками Шояхметов пенальти бўлмаганини бош ҳакамга билдирди ва пенальти бекор қилинди.

Шу тариқа қанот ҳаками Равиль Шояхметов турнинг энг яхши ҳаками номига муносиб кўрилди.

Маълумот учун, биринчи таймда Бикмаевнинг оффсайддан урган голини нариги қанотда ишлаган ҳакам кўрмай қолганди.