Latest news

11:47"У осонликча топ-5 чемпионатларига бора оларди". "Пахтакор" ўринбосарлар жамоасининг собиқ мураббийи у билан ишлаган энг истеъдодли футболчи ҳақида  0 11:20Ўзбекистон кубоги финаллари тарихи. Қайси ўйинларда кимлар майдонга тушган?  3 11:00"Барселона" Ямалга тақиқ қўйди  3 10:39Мурод Исмоилов: “Кубок финалида ҳамма нарса бўлиши мумкин”  0 10:18Александр Мерзляков: "2010 йилги "Бунёдкор"га қарши кубок финалини эсимдан чиқара олмайман, бугун нима бўлишини якунда биламиз"  2 09:55Винисиус "Реал"даги келажаги борасида бир қарорга келди  4 09:24Ўзбекистон Кубогини кетма-кет 2 марта ютган мураббийлар. Хомяков бугун улар сафига кирадими?  3 09:02Роналду кечаги мағлубиятдан сўнг қисқача фикр билдирди  7 08:37Тарихдан бунақаси бўлмаган! Абдуқодир Ҳусанов биринчи ўринга кўтарилиб олди  7 08:11Ямалнинг нима сабабдан "Эл Класико"да ўйини чиқмагани маълум қилинди  16 08:04Деярли бир тайм бир киши кам бўлиб қолган "Ал Иттиҳод" меҳмонда "Ал Насср"ни мағлуб этиб, кейинг босқичга йўл олди  9 07:58А Серия. "Милан"да дуранг, "Наполи"да эса ғалаба  1 07:46Ўзбекистон кубоги. Бугун ФИНАЛ  14 00:43Футзал бўйича Осиё ёшлар ўйинлари: Ўзбекистон ярим финалда Эрондан 14 та тўп қабул қилиб олди  8 23:28"Интер" дарвозабони 81 ёшли нафақахўрнинг ҳаётига зомин бўлди  1

Тугалланмаган мақоланинг ўзгача анонси News

Тугалланмаган мақоланинг ўзгача анонси

Ўтган йилнинг ёз ойлари, аниқроғи, июнь. 18 ёшдаман.

Барча тенгдошларим (абитуриентлар) қаттиқ ҳаяжонда. Менда қанайдир ишонч пайдо бўлган. Олийгоҳга (ЎзЖОКУ) кира олишимга деярли шубҳа қилмайман, агар имтиҳонлар шаффоф ўтса. Хуллас, мен имтиҳонлар ҳақида эмас, келажак ҳақида қайғура бошлаган пайтларим. 

Кундузги таълимга топширсам, шундоғам мусофирчиликда юрган ота-онамга оғирлигим тушиб қолади. Йўқ, бунақаси кетмайди. Сиртқига топшириб, бир пайтнинг ўзида ишлаш, пул топиш керак. Шунингдек, ўша пайтда (қанчалик хато ёки тўғрилигини билмайман) назарияга нисбатан амалиёт қадрлироқ кўринди. 

Спортга ихтисослашаман. Ёзган дастлабки мақолаларим "Сhampionat.asia" сайти ва даврий нашрларда чоп этиляпти. Доимий иш топсам, кифоя. Шу кунларнинг бирида "Facebook"даги ҳамфикр таниш (ака)ларимдан бири иш керак бўлса, алоқа чиқишим учун кимнингдир телефон рақамини берди. Боғландим. Спорт журналистикасида ўз ўрнига эга, айни пайтда кичикроқ нашрлардан бирини бошқараётган киши экан. Ёзган мақолаларим билан танишгач, футболга оид билимларимни синаб кўриш учун бир нечта савол беришини, агар яхши жавоб берсам, бирга ишлашимиз мумкинлигини айтди. Суҳбатнинг шу қисмини сиз билан бўлишмоқчиман.

-Тасаввур қилинг, сизнинг шахсий клубингиз бор. Жамоангизга жаҳон футболи юлдузларидан биттасини жалб қила оласиз, фақат биттасини. Кимни танлардингиз?

-Мюллер.

-Герд Мюллерми?

-Йўқ, уни кўрмаганман) Томас Мюллер.

-Нега Неймар, Роналду, Месси ёки Мбаппе эмас?

-Томас улардек гол машинаси бўлмаслиги, 3-4 ҳимоячини алдаб ўтолмаслиги мумкин. Энг муҳими, у футбол ўйнайди.

Суҳбат шу жойида узилиб қолди. "Ўхшамади" деган фикр келди. Ўйлаяпман: бошқа футболчини айтсам бўларкан. Начора, ҳақиқатан шу фикрда эдим. 

Эртаси куни яна хабар келди. Умримда биринчи бор ишга қабул қилиндим. Маош ва иш тартибини келишиб олдик. Орадан кўп ўтмай биринчи маош...

Бошқача туйғу эди. Буям кишининг умри давомида бир марта ҳис қилинадиган туйғулардан бири ҳисобланади. Бунга ўша қисқа жавобим (Мюллер) туфайли эришдим деб ўйлаганман. Мюллерга нисбатан ҳурматим 2 баробар ошган. 

Ҳозир "Championat.asia"даман. Ният қилиб қўйдим, йиллар ўтиб "France football" газетасининг бош муҳаррири бўлганимда "Олтин тўп"ни топшириш маросимига Томасни ҳам чақираман ва миннатдорчилигимни изҳор қиламан) Балки, СА билан ундан нуфузлироқ мукофот таъсис қилармиз. Айтишади-ку, чин дилдан қилинган ниятлар амалга ошади.

Хуллас, ўшанда нега Мюллерни танлаганим, унинг бошқа футболчилардан устун томонлари ҳақида мақола ёзишга киришдим (ҳозир фақат шу қўлимдан келади). Ундан олдин қуйидаги бу саволларни ўртага ташламоқчиман:

Тасаввур қилинг, сизнинг шахсий клубингиз бор. Жамоангизга жаҳон футболи юлдузларидан биттасини жалб қила оласиз, фақат биттасини. Кимни танлардингиз ва нима учун?

Биринчи маошингиз ёдингиздами?

Фахриддин Рўзиев

Rating: +4   

Comments

championat.asia
< show latest news
Яндекс.Метрика