Тренд давом этади: "Реал" етакчиси YouTube'да канал очди
06 sep 16:40
News

Тренд давом этади: "Реал" етакчиси YouTube'да канал очди

"Реал"нинг англиялик ярим ҳимоячиси Жуд Беллингем YouTube платформасида ўз каналини яратди.

Канал очиш тенденцияси давом этмоқда.

Футболчи илк видеосини эълон қилди ва аллақачон 200 минг обуначига эга бўлди. Жуд футбол афсонаси Криштиану Роналдудан ўрнак олишга қарор қилди.

Аввалроқ португалиялик форвард YouTube'да канал яратган ва бир суткадан камроқ вақт ичида 15 миллион обуначи тўплаганди. Криштиану платформада рекорд ўрнатди ва компаниядан олтин тугма олди.

Маълумот учун, Беллингем машҳур Louis Vuitton мода бренди билан ҳамкорлик шартномасини имзолаган. Эслатиб ўтамиз, ярим ҳимоячи испан клубида 2023 йилдан буён ўйнаб келмоқда. Бу вақт мобайнида у 44 ўйинда қатнашиб, 23 та гол урди ва 14 та голли пас узатди.