Тотти Райолани ўрнини босиши мумкин
16 apr 2020 22:14
News

Тотти Райолани ўрнини босиши мумкин

“Рома” ва Италия терма жамоасининг собиқ ҳужумчиси Франческо Тотти “Наполи” форварди Лоренцо Инсиньенинг агентига айланиши мумкин, дея хабар бермоқда Football Italia.

Инсинье ҳозирда Райола билан ишламаяпти ва унга янги агент керак. Римликларнинг афсонавий футболчиси Инсиньенинг агентига айланиши мумкин. У яқинда шахсий скаутлик агентлигини очди. Тоттининг ўзи бу ҳақда Инстаграмдаги лайв-чатда собиқ жамоадоши Фабио Каннаваро билан суҳбатлаша туриб маълум қилди.

Илгарироқ Тотти Римда бир йўла иккита скаутлик агентлиги фаолиятини йўлга қўйганди. Агентлик ёш иқтидорларни излаб топиш билан бирга клублар ва футболчиларга ўз маслаҳатларини беради.

Эслатиб ўтамиз, Франческо Тотти 1992-2017 йилларда “Рома” сафида тўп теган. Шундан сўнг у бутсаларини михга илиб, клуб директори лавозимида ишлади. Орадан икки йил ўтиб, 2019 йилнинг июнида Тотти ушбу лавозимдан истеъфога чиқиб, “Рома”ни тарк этганди.

Link :

Source : Football Italia

Receive latest football news directly on your phone. Subscribe for our Telegram channel!

Rating: