“Тоттенхэм” Контени қачон истеъфога чиқаришни режалаштираётгани, унинг ўрнини вақтинча ким эгаллаши ҳам маълум

Унга кўра, Антонио Конте жорий ҳафтада “Тоттенхэм” раҳбарияти томонидан истеъфога чиқарилади. Италиялик мутахассиснинг омма олдида жамоа футболчиларини танқид қилгани вазиятни кескинлаштирган. Контенинг ўрнини вақтинча Райан Мэйсон эгаллаши кутилмоқда.

Антонио Конте 2021 йил ноябридан бери лондонликлар устози сифатида фаолият олиб бормоқда. Унинг жамоаси 2022/23 йилги мавсум АПЛда 28 ўйин ўтказиб, 48 очко билан 4-ўринда бораётганди.