"Тоттенхэм" Кейнни сотишга мажбур бўлиши мумкин

"Daily Mail" хабарига кўра, бунга асосий сабаб сифатида клуб янги стадионни қуриш учун олган кредитлари бўлиши мумкин. Айни дамда клубнинг стадион қуриш учун олган қарзлари 660 млн еврони ташкил қилмоқда.

Коронавирус сабабли клубнинг телешартномалари ҳам ҳавф остида қолган. Агарда чемпионат қайта бошланмаса, клуб яна катта миқдорда зарар қилади.

Шу боисдан клуб Харри Кейнни шартномада кўрсатилганидек 227 млн еврога сотиб юбормоқчи. Агарда унга қизиқиш билдираётган "Манчестер Юнайтед" ушбу сумма эвазига ҳужумчини харид қилса, Неймарнинг рекордидан ўзиб кетади ва футбол тарихидаги энг қиммат футболчига айланади.

2017 йили ПСЖ Неймарни "Барселона"дан 222 млн евро эвазига харид қилганди.