Тошкентда дарвозабон мураббийлари учун Level 1 халқаро ўқув-курслари ташкил этилади
17 feb 2017 10:24
News

Тошкентда дарвозабон мураббийлари учун Level 1 халқаро ўқув-курслари ташкил этилади

Tags : ЎФФ

Ўзбекистон Футбол Федерацияси ҳамда Осиё Футбол Конфедерацияси ҳамкорлигида 20–25 февраль кунлари Тошкент шаҳрида дарвозабон мураббийлари учун ОФКнинг Level 1 ўқув-курслари ўтказилади.

Ўқув-курслар пойтахтдаги “Рамада” меҳмонхонасида бўлиб ўтади. Эронлик ОФК иструктори Жалол Башарзад Махбуби ўқув-курсларни олиб боради. Унга ЎФФ техник директори ҳамда Болалар, ўсмирлар ва оммавий футболни ривожлантириш бошқармаси бошлиғи Шавкат Имомов ассистентлик қилади.

Ушбу тадбирда қатнашиш учун иштирокчилар энг камида “C” лицензиясига эга бўлиши ва айни пайтда иш фаолиятини давом эттираётган бўлиши керак.

Level 1 сертификатини қўлга киритган дарвозабон мураббийлари кейинчалик Level 2 ва Level 3 даражалари учун ўқишни давом эттириш ҳуқуқига эга бўлади.

Link :

Source : the-uff.com

Receive latest football news directly on your phone. Subscribe for our Telegram channel!

Rating: -3