Томас Мюллер "Ювентус" яна ҳимоявий ўйин кўрсатади деб ўйламоқда

"Ишончим комил, "Ювентус" жавоб ўйинида ҳам ҳимоявий ўйин кўрсатади. Биз эса яхши ва чиройли ўйин кўрсатишни истаймиз. Учрашувнинг дастлабки дақиқалариданоқ ташаббусни ўз қўлимизга олиб, ўйинни назорат қилиш режамизда бор. Бу борада ишқибозларимизнинг кўмаги ҳам бизга қўл келади. Ўз имкониятларимиздан тўлиқ фойдаланмоғимиз лозим. Ўйин дебютидаёқ яратиладиган вазиятларни голга айлантириш зарур.  Мен ўз кучимизга ишонаман. Лекин биз эътиборлироқ бўлишимиз керак. Чунки биринчи беллашувда рақиб кўп вазиятлар яратмасдан туриб дарвозамизни икки маротаба ишғол этишни уддасидан чиққанди. "Ювентус" сифатли футбол кўрсатади. Шу боис анча эҳтиёткор бўлиш зарур. Нимчорак финал босқичидаги энг марказий ва қизиқарли тўқнашув ўз мақомини оқлайди. Чунки ҳар иккала жамоа учун жуда қийин синов бўлади. Бизни нурсиз дуранг ҳам қониқтиради? Биз ушбу ҳисобни ушлаб қолиш мақсадида ўйнашимиз мумкинми? Йўқ, биз дуранг натижасини ушлаб қолиш мақсадида майдонда тушадиган жамоалар сирасига кирмаймиз. Аммо якунда шу натижа қайд этилса ҳам ранжимаймиз, балки буни хурсандчилик билан қабул қиламиз", - дейди Мюллер.