Толибжон Қосимов: “Шўртан” Нестеровга ҳозирча таклиф билан чиқмаган"
17 nov 2014 12:00
News

Толибжон Қосимов: “Шўртан” Нестеровга ҳозирча таклиф билан чиқмаган"

Кейинги вақтларда мамлакатмиз ОАВларида, тўғрироғи интернет нашрларда Тошкентнинг “Локомотив” клуби аъзоси – Игнатий Нестеровни гўёки Ғузорнинг “Шўртан” жамоасига ўтиши ҳақида хабарлар тарқалди.

Биз шу ҳақда аниқлик киритиш мақсадида “Шўртан” ПФК матбуот хизмати раҳбари Толибжон Қосимовга мурожаат қилдик.

“Ўзингизга маълум, жамоамиз келаси йилдан яна Олий лигада фаолият юритади. Тўғри, ҳар қандай жамоа ўз сафида кучли футболчилар тўп тепишини ҳоҳлайди. Бу борада жамоамиз ҳам селекция ишларини бошлаб юборган. Аммо Игнатий Нестеровга клубимиз томонидан ҳеч қандай таклиф бўлмаган. “Шўртан” футбол клубининг кўз остига олган номзодлар талайгина, лекин ҳозирча аниқ бир номзодга мураббийлар штаби тўхталган эмас. Мабода бу борада янгилик бўлса, клуб расмий сайти орқали хабар берамиз”, – дейди “Шўртан” ПФК матбуот хизмати раҳбари Толибжон Қосимов.

Link :

Source : voha.uz

Receive latest football news directly on your phone. Subscribe for our Telegram channel!

Rating: