Тожикистон ТЖ бош мураббийи: "Ўзбекистон терма жамоаси бош мураббийи Сречко Катанецга соғлиқ тилайман ва тезроқ ўз ишига қайтишига тилакдошман"

- Бугунги учрашув ҳақидаги фикрларингиз?

- Биринчи навбатда Ўзбекистон терма жамоасини ғалаба билан табриклайман. Биз аввалги учрашувларда кўп куч йўқотдик ва бугунги ўйинга бир оз чарчаб етиб келгандек. Биринчи таймни ҳам ёмон ўтказмадик, лекин иккинчи таймда чарчаб қолдик. Танаффусда ўзгартиришга қўл урганим хато бўлиб чиқди. Мураббийлар ҳам хато қилади ва мен хатога йўл қўйдим. Менинг фикримча, 5-1 ҳисоби адолатли эмас, биз иккинчи таймда ўзимизга ўхшамадик ва рақиб хоҳлаган ишини қилди. Мен бугунги мағлубиятни ўз бўйинимга оламан. Ҳозирги хаёлларим Нуриддинининг жароҳати билан боғлиқ, унга соғлиқ тилайман. Ўзбекистон терма жамоаси футболчиси ҳам жароҳат олмайди деган умиддаман. Ўзбекистон бешинчи голни биз 10 нафар бўлиб қолганимизда урди. Ўзбекистон терма жамоаси бош мураббийи Сречко Катанецга соғлиқ тилайман ва тезроқ ўз ишига қайтишига тилакдошман. Аввалроқ айтиб ўтганимдек, оила энг муҳим нарса ва соғлиқ ҳам жуда муҳим. Ўзбек халқига раҳмат айтаман, улар йўқори даражадаги меҳмондорчилик кўрсатишди. Тожикистонлик мухлислардан узр сўрайман. Биз бир бўлим давомида ғалаба қозонаётган эдик ва "кичик" финалга чиқиш имкониятимиз бор эди, лекин сўнгида ўйинни бой бердик. Сўнги сўзим, раҳмат Ўзбекистон.

- Тожикистон терма жамоасининг ўйинини кўрдик, терма жамоа яхши ўйн намойиш этди, лекин асосий камчилик кўзга ташланиб қолмоқда. Жамоангизнинг жисмоний ҳолати аъло даражада эмас.

- Жисмоний ҳолатимизни яхшилашимиз керак, сабаби бизни Осиё кубоги кутиб турибди. Аввалроқ айтиб ўтганимдек, аввалги учрашувларда кўп куч йўқотдик ва шу сабаб бугун мағлуб бўлдик. Агар эътибор берган бўлсангиз, бизнинг дарвозамизга 3та пенальти белгиланди. Мен ушбу сўзларим билан, ҳакамларни айбламоқчи эмасман, бу бизнинг эътиборсизлигимиздан дарак беради. Биз ишлашда давом этамиз ва ўйинимизни ривожлантиришимиз керак.

- Мусобақа давомида, терма жамоангиз иссиқ ҳавода иккита ўйин ўтказишди ва шу ҳолат ҳақидаги фикрларингиз?

- Фикрингизга юз фоиз қўшиламан, бундай ҳавода ўйнаш жуда ноқулай ва футболчилар соғлиғига зарар етказиши мумкин. Масалан, Қатар жаҳон чемпионатини июнь ойида ўтказмади.

- Ушбу мусобақа марказий Осиё футболини ривожлантира оладими? Сиз ушбу мусобақага ишонасизми?

- Мен ушбу мусобақани қўллаб қувватлайман ва ушбу мусобақага ишонаман. Ушбу мусобақага ҳомийлар ёрдами керак деб ўйлайман. Бир нарса таклиф этишим мумкин, илтимос ўйинларни 19:30дан кейин бошлаш керак. CAFA мусобақаси Эрон,Ўзбекистон каби кучли терма жамоаларга жуда муҳим эмасдур, лекин Афғонистон,Тожикистон, Қирғизистон терма жамоаларига жуда фойдали. Барчага раҳмат, Сречкога соғлик ва кейинги йили яна учрашишимизга умид қилиб қоламан.